تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد قيمة مجهولة بحساب التباديل

أحمد لطفي

أوجد قيمة ﻥ إذا كان ل^{ﻥ − ١٠}_{٢} = لـ٣ .

٠١:٥٣

‏نسخة الفيديو النصية

اوجد قيمة ن، إذا كان ن ناقص عشرة ل اتنين بيساوي مضروب تلاتة.

في البداية لو عندنا ن ل ر، فبتساوي ن في ن ناقص واحد، في ن ناقص اتنين، في النقط، في ن ناقص ر زائد واحد؛ لكل ن أكبر من أو بتساوي ر. حيث ن بتنتمي إلى مجموعة الأعداد الصحيحة الموجبة، وَ ر بتنتمي إلى مجموعة الأعداد الصحيحة الموجبة.

ولو عندنا مضروب ن، فبيساوي ن في ن ناقص واحد، في ن ناقص اتنين، في نقط، في واحد. يعني بنفضل نقلّ كل مرة واحد، لحدّ ما نوصل لواحد.

وبالتالي عندنا ن ناقص عشرة ل اتنين بتساوي مضروب تلاتة. بالنسبة للطرف الأيمن ن ناقص عشرة ل اتنين، هنكتبها في صورة ن ناقص عشرة، في ن ناقص حداشر. بتساوي … مضروب تلاتة هنكتبها في صورة تلاتة في اتنين في واحد. وبما إن واحد لمّا يتضرب في أيّ عدد بيساوي نفس الناتج، فهنقول إنها بتساوي تلاتة في اتنين.

هنلاحظ إن عندنا عدد اللي بيمثّله القوس ن ناقص عشرة. مضروب في عدد آخر أقلّ منه بواحد اللي بيمثله القوس ناقص حداشر. بيساوي عدد مضروب في عدد آخر أقلّ منه بواحد.

وده معناه إننا نقدر نساوي ن ناقص عشرة بتلاتة، أو نقدر نساوي ن ناقص حداشر باتنين. فمثلًا هنساوي ن ناقص عشرة بتلاتة، فهيكون عندنا ن ناقص عشرة هيساوي تلاتة. عشان نقدر نوجد قيمة ن، هنجمع عشرة عَ الطرفين. فهيكون عندنا ن بتساوي تلتاشر. ويبقى كده قدرنا نوجد قيمة ن، وكانت بتساوي تلتاشر.