فيديو: الضرب في الـ ٠ وفي الواحد

يوضح الفيديو كيفية الضرب في الـ ٠ وفي الواحد، والخواص التي تميز كلًّا منهما، مع أمثلة توضيحية.

٠٥:١٤

‏نسخة الفيديو النصية

في الفيديو ده هنتعلم الضرب في الصفر، وفي الواحد. وهنعرف خواصّه، وهنحلّ بعض الأمثلة. اشترت ليلى أربع أحواض. وزرعت في كل منها زهرة. فكم زهرة زرعتها ليلى في جميع الأحواض؟

يعني عندنا أربع أحواض، وكل حوض فيه زهرة واحدة. وعشان نعرف كام زهرة زرعتها ليلى في جميع الأحواض، يبقى محتاجين نوجد حاصل ضرب أربعة في واحد. والضرب في العدد واحد، بيبقى ليه خواصّ بتميّزه. فعند ضرب أيّ عدد في واحد، بيكون الناتج هو العدد بنفسه. والخاصية دي بنسميها خاصية المحايد الضربي.

فعشان نوجد حاصل ضرب أربعة في واحد، فهنستخدم خاصية المحايد الضربي. يعني لمّا بنضرب أيّ عدد في واحد، هيكون الناتج هو نفس العدد. فإحنا هنا بنضرب أربعة في واحد. فهيبقى حاصل ضرب أربعة في واحد، هو العدد نفسه؛ يعني أربعة.

وممكن برضو نوجد حاصل ضرب أربعة في واحد، باستخدام المجموعات. فهنستخدم قطع العدّ. فزيّ الشكل اللي قدامنا، هنكوّن أربع مجموعات. كل مجموعة بتحتوي على قطعة واحدة. فهيبقى حاصل ضرب أربعة في واحد، بيساوي أربعة. فبالتالي هتبقى زرعت ليلى في جميع الأحواض، أربع زهرات.

ونشوف مثال آخر. شاهد كريم ثماني سحالٍ. على ظهر كلٍّ منها بقعة سوداء. ما عدد البقع السوداء كلها؟ يعني كريم شاف تمن سحالي، وعلى ضهر كل واحدة بقعة سوداء واحدة. فعشان نوجد عدد كل البقع السوداء، يبقى هنوجد حاصل ضرب تمنية في واحد.

وزيّ ما عرفنا من خاصية المحايد الضربي، إننا لمّا بنضرب أيّ عدد في واحد، لازم بيكون حاصل الضرب هو العدد نفسه. فلمّا هنضرب هنا تمنية في واحد، فهنبقى هنا بنضرب العدد تمنية في واحد. فهيبقى حاصل الضرب هو العدد نفسه، اللي هو تمنية. وبالتالي هيبقى عدد البقع السوداء كلها هو تمن بقع.

وكده نكون عرفنا الضرب في العدد واحد، وبعد كده هنشوف الضرب في الصفر. والضرب في الصفر برضو ليه خواصّ بتميّزه. فلمّا بنضرب أيّ عدد في صفر، بيكون حاصل الضرب صفر. والخاصية دي اسمها خاصية الضرب في الصفر.

فمثلًا لو ضربنا واحد في صفر. فزيّ ما عرفنا من خاصية الضرب في الصفر. إننا لمّا بنضرب أيّ عدد في صفر. بيكون حاصل الضرب صفر. فهيبقى عندنا واحد في صفر، بتساوي صفر. فبعد كده لو جينا نشوف مثلًا اتنين في صفر، برضو هيبقى بيساوي صفر. وبرضو تلاتة في صفر، هيبقى حاصل الضرب بيساوي صفر.

وهنشوف مثال. أوجد حاصل ضرب ستة في صفر. فزيّ ما عرفنا من خاصية الضرب في الصفر، إن لمّا بنضرب أيّ عدد في الصفر، بيكون حاصل الضرب صفر. فلمّا نوجد حاصل ضرب ستة في صفر، هيبقى بيساوي صفر. إذن ستة في صفر، هتساوي صفر.

ونشوف مثال آخر. كم رِجلًا عند ثمانية ثعابين؟ والثعبان زيّ اللي في الشكل عندنا. فزيّ ما إحنا عارفين، إن الثعبان ما عندوش أرجُل. يعني عدد الأرجُل عند الثعبان صفر. فلو عندنا تمن ثعابين، يبقى كام رجل عندهم، هو حاصل ضرب تمنية في صفر.

وزيّ ما عرفنا، إننا لمّا بنضرب أيّ عدد في الصفر، بيكون حاصل الضرب صفر. فبالتالي هيبقى تمنية في صفر، بيساوي صفر. وبالتالي هيبقى عدد الأرجُل عند تمن ثعابين، هو صفر أرجُل. وممكن نكتب صفر بالأحرُف، أو ممكن نكتبها عدد.

وبكده نكون اتكلمنا عن الضرب في الصفر، وفي الواحد. وعرفنا إننا لمّا بنضرب أيّ عدد في الصفر، بيكون حاصل الضرب صفر. ودي اسمها خاصية الضرب في الصفر. وعرفنا الضرب في الواحد. وعرفنا إننا لمّا بنضرب أيّ عدد في واحد، بيكون حاصل الضرب هو العدد نفسه. والخاصية دي اسمها خاصية المحايد الضربي. فبكده نكون عرفنا إزاي نضرب في الصفر، وفي الواحد. وعرفنا خواصهم. وحلّينا بعض الأمثلة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.