فيديو: حساب مقادير الأعداد الكسرية السالبة ذات الأسس الصحيحة السالبة المرفوعة لأسس صحيحة موجبة

أيٌّ من المقادير التالية قيمته تساوي ((−٦/٥ ٢)^−١١)^٤؟ [أ] (−٦/١٧)^٤٤ [ب] (−٦/١٧)^−٧ [ج] (−٦/١٧)^٧ [د] (−٦/١٧)^−٤٤ [ﻫ] (−٦/١٧)^١٥

٠٢:١٢

‏نسخة الفيديو النصية

أيّ من المقادير التالية قيمته تساوي المقدار الموضَّح؟ مطلوب تحديد الإجابة الصحيحة من بين الاختيارات الموضَّحة.

أول حاجة، هنكتب المقدار المذكور في السؤال: سالب اتنين وخمسة على ستة، لكل أُس سالب حداشر، لكل أُس أربعة. ومن قاعدة القوى للأسس، بنلاقي إن لو كان عندنا عدد أس ن لكل أس م، فالناتج هيساوي العدد أس حاصل ضرب الأسس. يعني أ أُس، ن في م. وبكده يبقى المقدار ده هيكون عبارة عن سالب اتنين وخمسة على ستة، لكل أس حاصل ضرب الأُسُس، سالب حداشر في أربعة. يبقى الناتج هيساوي سالب اتنين وخمسة على ستة، لكل أُس سالب أربعة وأربعين.

بنلاحظ بعد كده إن كل الاختيارات ما بداخل الأقواس عبارة عن كسر غير فعلي. وبكده لازم نحوّل العدد الكسري اللي داخل القوس عندنا، اللي إحنا شايفينه ده، إلى كسر غير فعلي. العدد الكسري بيتمّ تحويله إلى كسر غير فعلي عن طريق ضرب الجزء الصحيح في المقام؛ مقام الجزء الكسري. بعد كده بنجمع الناتج على البسط.

يبقى الناتج هيكون عبارة عن … نفتح قوس، أُس سالب أربعة وأربعين. وهنحوّل العدد الكسري لكسر غير فعلي، يبقى اتنين في ستة باتناشر. ونجمع اتناشر على … البسط خمسة. يبقى الناتج سبعتاشر. والمقام بيكون نفس مقام الجزء الكسري. يبقى سبعتاشر على ستة. وطبعًا ما ننساش السالب.

بعد ما بسّطنا المقدار، نقدر دلوقتي نشوف الاختيارات عندنا. فبنلاحظ إن الاختيار الصحيح هو الاختيار د، زيّ ما إحنا شايفين كده. يبقى باستخدام قاعدة قوى الأُسُس، وبتحويل العدد الكسري إلى كسر غير فعلي، قدرنا نوجد الإجابة الصحيحة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.