فيديو: إيجاد النسبة بين مساحتي مربع ومثلث في أبسط صورة بمعلومية أبعادهما

باستخدام الشكلين، أوجد النسبة بين مساحة المثلث ﺃﺏﺟ، ومساحة المربع ﺱﺹﻉﻝ. اكتب إجابتك في أبسط صورة.

٠٣:٠٠

‏نسخة الفيديو النصية

باستخدام الشكلين اوجد النسبة بين مساحة المثلث أ ب ج ومساحة المربع س ص ع ل. اكتب إجابتك في أبسط صورة.

بنلاقي عندنا الشكلين: الشكل الأول عبارة عن مربع، والشكل التاني عبارة عن مثلث. فأول حاجة هنعملها إننا هنكتب القوانين المستخدمة لحساب مساحة كل شكل. بنلاقي إن مساحة المربع بتساوي طول الضلع تربيع، ومساحة المثلث بتساوي نص طول القاعدة في الارتفاع.

فهنبدأ أول حاجة بحساب مساحة المربع. بنلاقي إن طول ضلع المربع ستاشر سنتيمتر، يبقى ستاشر تربيع. وبالتالي الناتج هيساوي ميتين ستة وخمسين سنتيمتر مربع.

بعد كده هنحسب مساحة المثلث، فهي عبارة عن نص في طول القاعدة. القاعدة عندنا طولها تلاتين سنتيمتر؛ لأن القاعدة هي عبارة عن الضلع ب ج. يبقى نص في تلاتين، في الارتفاع اللي هو عندنا طول العمودي المرسوم من أ عمودي على القاعدة ب ج، طوله أربعة وعشرين سنتيمتر. فبنكتب في أربعة وعشرين. بعد كده بنلاقي إن فيه عامل مشترك أكبر بين البسط والمقام، وهو اتنين. أربعة وعشرين على الاتنين الناتج باتناشر. واتنين على الاتنين الناتج بواحد. باستخدام الآلة الحاسبة بنلاقي إن مساحة المثلث هتساوي تلتمية وستين سنتيمتر مربع.

بعد ما حسبنا مساحة المربع ومساحة المثلث، نقدر دلوقتي نوجد النسبة ما بين مساحة المثلث أ ب ج ومساحة المربع س ص ع ل. مساحة المثلث أ ب ج، على مساحة المربع س ص ع ل، هتساوي تلتمية وستين على ميتين ستة وخمسين. بنلاقي إن فيه عامل مشترك أكبر بين البسط والمقام وهو التمنية. تلتمية وستين على التمنية الناتج بخمسة وأربعين. وميتين ستة وخمسين على التمنية الناتج باتنين وتلاتين. يبقى مساحة المثلث على مساحة المربع هتساوي خمسة وأربعين على اتنين وتلاتين.

وبالتالي يبقى النسبة بين المساحتين هتكون كالآتي: مساحة المثلث أ ب ج إلى مساحة المربع س ص ع ل، هتساوي خمسة وأربعين إلى اتنين وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.