فيديو: خاصية الإبدال

هل تُطبَّق خاصية الإبدال على القسمة؟

٠١:٤٤

‏نسخة الفيديو النصية

هل تُطبَّق خاصية الإبدال على القسمة؟

دلوقتي إيه هي خاصية الإبدال؟ خاصية الإبدال دي بنطبّقها على الأعداد اللي بنجري عليهم عملية حسابية معيّنة: بنغير ترتيب الأعداد؛ لو فضلت ناتج العملية الحسابية زي ما هو، حتى بعد تغيير ترتيب الأعداد اللي بتُجرى عليها العملية، ففي الحالة دي بنقول إن خاصية الإبدال بتطبَّق على العملية الحسابية دي.

فلو جينا نقول مثلًا على سبيل المثال اتنين في تلاتة حاصل ضربهم هيبقى بيساوي ستة، طب لو غيّرنا الترتيب بتاع العددين دول؟ يعني خلّينا نجيب حاصل ضرب تلاتة في اتنين، هنلاقي إن حاصل الضرب هو برضو ستة؛ فده معناه إن تغيير ترتيب الأعداد في أثناء العملية مش هيغيّر من الناتج، الناتج هو هو؛ ففي الحالة دي بنقدر نقول إننا نقدر نطبّق خاصية الإبدال على عملية الضرب.

طب عايزين نشوف نقدر نطبّقها على عملية القسمة ولّا لأ. تعالوا نشوف مثلًا ناتج قسمة اتناشر على ستة؛ اتناشر على ستة ناتج القسمة بتاعها اتنين. طب لو جينا نغيّر ترتيب الأعداد، وقلنا هتبقى ستة على اتناشر؟ ناتج قسمة ستة على اتناشر هيبقى بيساوي نُص، كده الناتج اختلف؛ أول عملية الناتج بتاعها كان اتنين، تاني عملية الناتج بتاعها كان نُص؛ وده معناه إننا ما نقدرش نطبّق خاصية الإبدال على عملية القسمة. فتبقى الإجابة: لا، خاصية الإبدال لا يمكن تطبيقها على عملية القسمة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.