فيديو: العامل المشترك الأكبر

بإخراج العامل المشترك الأكبر (ع.م.أ.) أوجد قيمة ٢ × ٥ − ٢٦ × ٢ − ١٧ × ٢، دون استخدام الآلة الحاسبة.

٠٢:٠٥

‏نسخة الفيديو النصية

بإخراج العامل المشترك الأكبر ع م أ أوجد قيمة: اتنين في خمسة، ناقص ستة وعشرين في اتنين، ناقص سبعتاشر في اتنين. دون استخدام الآلات الحاسبة.

أول حاجة هنلاحظ إن الأعداد: خمسة، وسالب ستة وعشرين، وسالب سبعتاشر؛ كلها مضروبة في اتنين. فهنخرّج الاتنين كعامل مشترك أكبر بين عمليات الضرب دي. يبقى اتنين في خمسة، ناقص ستة وعشرين في اتنين، ناقص سبعتاشر في اتنين؛ هيساوي اتنين في …

لمّا هنخرّج الاتنين من عملية الضرب الأولى هيبقى الباقي هو: خمسة. ولمّا هنخرّج الاتنين من عملية الضرب التانية هيبقى الباقي هو: سالب ستة وعشرين. ولمّا هنخرّج الاتنين من عملية الضرب التالتة هيبقى الباقي هو: سالب سبعتاشر. يبقى ده هيساوي اتنين في، خمسة ناقص ستة وعشرين ناقص سبعتاشر.

بعد كده نُجري العمليات داخل الأقواس. فخمسة ناقص ستة وعشرين بيساوي سالب واحد وعشرين. وسالب واحد وعشرين ناقص سبعتاشر هيساوي سالب تمنية وتلاتين. يبقى ده هيساوي اتنين في سالب تمنية وتلاتين.

بعد كده نضرب بشكل رأسي، فسالب تمنية وتلاتين في اتنين. أول حاجة بما إننا بنضرب عدد موجب في عدد سالب؛ فالناتج هيبقى عدد سالب، فننزّل علامة السالب، ونبدأ الضرب.

اتنين في تمنية هيساوي ستاشر، فهنكتب ستة في الناتج، ونضيف واحد فوق القيمة المكانية اللي بعد كده. بعدين نضرب اتنين في تلاتة هيساوي ستة، ونضيف واحد يبقى الناتج هيساوي سبعة. يبقى اتنين في سالب تمنية وتلاتين هيساوي سالب ستة وسبعين.

يبقى اتنين في خمسة، ناقص ستة وعشرين في اتنين، ناقص سبعتاشر في اتنين؛ هيساوي سالب ستة وسبعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.