تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: بحث إذا ما كان مثلثان مُعطيان متشابهين أو لا بمعلومية أبعادهما

أحمد مدحت

إذا كان △ﻑوﺡ ∽ △ﺱﺹﻉ، وأضيف ٦ وحدات إلى طول كل ضلع في المثلثين، فهل المثلثان الجديدان متشابهان؟

٠١:٤٤

‏نسخة الفيديو النصية

عندنا في المثال المثلث ف و ح يشابه المثلث س ص ع، بعد كده هنضيف ست وحدات لطول كل ضلع في المثلثين، وعايزين نعرف المثلثين الجداد دول متشابهين ولا لأ.

أول حاجة بما إن المثلثين ف و ح، و س ص ع متشابهين، فهيبقى أطوال أضلاعهم متناظرة متناسبة؛ يعني هيبقى طول الضلع و ح على طول الضلع ص ع، يساوي طول الضلع ف ح على طول الضلع س ع، يساوي طول الضلع ف و على طول الضلع س ص. وهنلاقي إن طول كل ضلع في مثلث منهم على طول الضلع اللي بيناظره في المثلث التاني يساوي واحد على تلاتة.

بعد كده هنضيف ست وحدات لطول كل ضلع في المثلثين، وهنشوف هل أطوال الأضلاع الجديدة المتناظرة في المثلثين متناسبة ولا لأ.

فبعد ما هنضيف ست وحدات لطول كل ضلع في المثلثين، هنلاقي طول الضلع و ح الجديد على طول الضلع ص ع الجديد يساوي أ زائد ستة على تلاتة أ زائد ستة، وطول الضلع ف ح الجديد على طول الضلع س ع الجديد يساوي ب زائد ستة على تلاتة ب زائد ستة. وطول الضلع ف و الجديد على طول الضلع س ص الجديد يساوي ج زائد ستة على تلاتة ج زائد ستة.

معنى كده إن هيبقى طول الضلع و ح الجديد على طول الضلع ص ع الجديد، لا يساوي طول الضلع ف ح الجديد على طول الضلع س ع الجديد، لا يساوي طول الضلع ف و الجديد على طول الضلع س ص الجديد. معنى كده إن أطوال الأضلاع المتناظرة بعد إضافة ست وحدات لطول كل ضلع في المثلثين ليست متناسبة.

معنى كده إن المثلثين الجداد مش متشابهين، يعني إجابة السؤال اللي عندنا هي لا.