فيديو: ضرب عدد عشري في عدد عشري آخَر

احسب ٤٫٢ × ٤٧٫٣١.

٠٢:٥٠

‏نسخة الفيديو النصية

احسب أربعة واثنان من عشرة، في سبعة وأربعون وواحد وثلاثون من مائة.

عشان نضرب عددين عشريين، هنجري عملية الضرب بدون العلامات العشرية في البداية. بعدين نكتبها تاني في الناتج، وبيكون موقعها حسب وجودها في العددين المضروبين.

فبضرب العددين بدون العلامات العشرية، العملية هتبقى بالشكل ده. بعد كده نجري عملية الضرب بشكل طبيعي. نضرب اتنين في واحد هيبقى الناتج اتنين. بعد كده اتنين في تلاتة هيبقى الناتج ستة. بعد كده اتنين في سبعة هيبقى الناتج أربعتاشر. فنكتب أربعة. بعدين نعيد تجميع عشر مئات إلى ألف واحدة، ونكتبها فوق الآلاف. بعدين نضرب اتنين في أربعة فيبقى الناتج تمنية، ونضيف ليها الواحد، فهيبقى الناتج تسعة.

بعد كده نضيف صفر قبل ضرب أربعة في العدد؛ لأن أربعة قيمتها المكانية هي العشرات. بعد كده نضرب أربعة في واحد هيساوي أربعة. أربعة في تلاتة هيساوي اتناشر. فهنكتب اتنين في الناتج، ونعيد تجميع عشر مئات لألف واحدة، ونكتبها فوق السبعة. بعد كده نضرب أربعة في سبعة هيبقى الناتج تمنية وعشرين. بعد كده نضيف ليها الواحد فهيبقى الناتج تسعة وعشرين. فهنكتب تسعة في الناتج، ونعيد تجميع عشرين ألف لاتنين من عشرات الألوف، فنكتب اتنين فوق الأربعة. بعد كده نضرب أربعة في أربعة هيبقى الناتج ستاشر. ونضيف ليها الاتنين، فهيبقى الناتج تمنتاشر. فهنكتبها في الناتج.

بعد كده نجمع اتنين زائد صفر هيساوي اتنين. ستة زائد أربعة هيساوي عشرة. فنكتب صفر في الناتج، ونضيف واحد للقيمة المكانية اللي بعديها. بعدين نجمع واحد زائد أربعة زائد اتنين هيساوي سبعة. بعد كده نجمع تسعة زائد تسعة هيساوي تمنتاشر. فنكتب تمنية في الناتج، ونضيف واحد للقيمة المكانية اللي بعديها. بعدين نجمع واحد زائد تمنية هيساوي تسعة. وبعدين ننزل الواحد.

بعدين نرجع للعددين اللي ضربناهم في الأول، ونشوف موقع العلامة العشرية. فهنلاقيها في العدد الأول بعد رقم واحد، وفي العدد التاني بعد رقمين. فمجموع الأرقام دي هو تلاتة. يبقى هنكتب العلامة العشرية بعد تلات أرقام من اليمين إلى اليسار. فهنعد تلات أرقام، بعدين نحط العلامة العشرية. يبقى حاصل ضرب أربعة واتنين من عشرة في سبعة وأربعين وواحد وتلاتين من مية، هيساوي مية وتمنية وتسعين وسبعمية واتنين من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.