فيديو: تحديد شعاعين متوازيين وتسميتهما

أيٌّ من العبارات التالية يصف الشكل الموضَّح؟ [أ] الشعاع ﻝﻙ يوازي الشعاع ﻡﻭ [ب] الشعاع ﻙﻝ يوازي الشعاع ﻭﻡ [ج] الشعاع ﻙﻝ متعامد على الشعاع ﻭﻡ [د] الشعاع ﻝﻙ يتقاطع مع الشعاع ﻡﻭ [ه] الخط المستقيم ﻙﻝ يتقاطع مع الخط المستقيم ﻭﻡ

٠٢:١٠

‏نسخة الفيديو النصية

أيٍّ من العبارات التالية يصف الشكل الموضح: الاختيار الأول: الشعاع ل ك يوازي الشعاع م و، اتنين: الشعاع ك ل يوازي الشعاع و م، تلاتة: الشعاع ك ل متعامد على الشعاع و م، أربعة: الشعاع ل ك يتقاطع مع الشعاع م و، خمسة: الخط المستقيم ك ل يتقاطع مع الخط المستقيم و م.

خلينا نفتكر مجموعة تعريفات مهمة: عندنا الخط اللي ليه نقطة بداية ونقطة نهاية ده عبارة عن قطعة مستقيمة، أما لو عندنا خط بين نقطتين ليه نقطة بداية بس ما لهوش نقطة نهاية، في الحاله دي ده بنسميه شعاع، أما المستقيم اللي بيمر بنقطتين وما لهوش نقطة بداية ولا نقطة نهاية يعني بنعمل الأطراف بتاعته على شكل الأسهم اللي قدامنا دي، فده بنسميه خط مستقيم. لو بصينا على الشكل اللي قدامنا هنلاقي إن فيه نقطة بداية وبيمر بنقطة ما، وما فيش نقطة نهاية لأن أطرافه عبارة عن أسهم، يبقى الرسم اللي قدامنا ده بيمثل شعاعين، واضح من الرسم إن الشعاعين دول ممتدين على مسافة متساوية من بعضهم البعض، يعني عمرهم ما هيتقاطعوا في نقطة، هيفضلوا ماشيين متوازيين، التوازي هو إن المسافة بينهم ثابتة عمرهم ما هيتقاطعوا؛ يبقى الرسم ده بيوضح لنا شعاعين متوازيين لما بنيجي نقرا الشعاع بنقراه من النقطة بتاعة البداية، اللي هي عندنا هنا و، وبعدين بنقول نقطة بيمر بيها بعد كده، اللي هي في الشعاع ده مثلًا هتبقى م؛ يبقى دلوقتي الشعاع ده هيبقى اسمه الشعاع و م والشعاع ده يبقى اسمه الشعاع ك ل، يبقى عندنا الشعاع و م بيوازي الشعاع ك ل اللي هو الاختيار التاني هنا، هو ده الاختيار السليم: الشعاع ك ل هيوازي الشعاع و م.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.