فيديو: تحديد البيانات الكمية

أيٌّ من التالي ليس مثالًا لبيانات كمية؟ [أ] طول القامة [ب] درجة الحرارة [ج] الوزن [د] الجنس

٠٢:٠٠

‏نسخة الفيديو النصية

أيّ من التالي ليس مثالًا لبيانات كَمّية؟ ومعطى عندنا الاختيارات؛ واحد: طول القامة. اتنين: درجة الحرارة. تلاتة: الوزن. أربعة: الجنس.

وخلّينا نفتكر إن البيانات الكَمّية هي البيانات اللي نقدر نعبّر عنها بالأرقام، أو نقدر نمثلها برقم؛ فزي مثلًا طول القامة، اللي هو أول اختيار عندنا، نقدر نعبّر عنها بالأرقام، فمثلًا شخص طوله واحد وسبعة من عشرة متر، أو شخص طوله واحد وتمنية من عشرة متر، وهكذا؛ فبالتالي هيبقى طول القامة يعتبر بيانات كَمّية.

وبنفس الطريقة درجة الحرارة بنقدر نعبّر عنها بالأرقام؛ فنقدر نقول إن درجة حرارة الجو ستة وتلاتين درجة مئوية مثلًا، فمعنى كده إننا مثّلنا درجة الحرارة بالأرقام؛ فبالتالي هتبقى برضو بيانات كَمّية.

وبنفس الطريقة هنيجي نشوف الوزن، اللي هو الاختيار التالت، والوزن برضو يعتبر من البيانات الكَمّية؛ لأننا بنمثله برقم، فنقدر نقول إن شخص وزنه سبعين كيلوجرام، أو شخص وزنه تمانين كيلوجرام، وهكذا؛ فبالتالي هيبقى الوزن برضو بيانات كَمّية.

ولمّا نيجي نشوف آخر اختيار عندنا، اللي هو الجنس، فهنلاحظ إن الجنس زي مثلًا ذكر أو أنثى، فهو ما يعتبرش بيانات كَمّية؛ لأننا مش بنمثله برقم. لكن الجنس بيعتبر من البيانات النوعية؛ لأنه بيصف شيء، أو بيحدد نوع شيء. فنقدر نقول إن نوع أو جنس الشخص هو ذكر أو أنثى، لكن ما نقدرش نعبّر عنها برقم.

فلمّا نيجي نشوف السؤال مرة تانية: أيٌّ من التالي ليس مثالًا لبيانات كَمّية؟ فبالتالي هيبقى الاختيار الرابع الجنس هو اللي ليس مثالًا لبيانات كَمّية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.