فيديو: تحليل مقدار مكوَّن من قوس واحد ويتضمن كسورًا‎‎

اكتب (٣/٢)س + ٦/١ على الصورة ٦/١ (أس + ب).

٠١:٥٩

‏نسخة الفيديو النصية

اكتب اتنين على تلاتة س، زائد واحد على ستة؛ على الصورة واحد على ستة، في أ س زائد ب.

السؤال هنا عايز مننا نكتب اتنين على تلاتة س، زائد واحد؛ على ستة على الصورة واحد على ستة، في أ س زائد ب. ده معناه إن أ وَ ب بعد امّا نحل المسألة هيكون ليهم قِيَم وهنبدلهم بيها.

اتنين على تلاتة س، زائد واحد على ستة. أول حاجة نفكر فيها إزاي نخلّي الكسر اتنين على تلاتة مقامه بستة؛ علشان نقدر ناخد واحد على ستة عامل مشترك ونخليه على الصورة دي. واحد على ستة هنا عامل مشترك. علشان نقدر ناخد واحد على ستة من هنا عامل مشترك، ونخليها على الصورة دي. لو ضربنا اتنين على تلاتة س، البسط في اتنين والمقام زيه في اتنين، مش هنكون غيرنا حاجة. الاتنين في اتنين بأربعة. والاتنين في تلاتة بستة. وبكده خلينا المقام بيساوي ستة، وما غيرناش حاجة في قيم المسألة.

هننزّل الـ س وهنجمع عليها واحد على ستة زي ما هي. الأربعة على ستة دي كأنها واحد على ستة مضروب في أربعة. وهننزّل الـ س زي ما هي، زائد … الواحد على ستة، ممكن نكتبها واحد على ستة في واحد. كده إحنا ممكن ناخد الواحد على ستة عامل مشترك بسهولة. لو أخدنا الواحد على ستة عامل مشترك، هيتبقى لنا في الجزء ده أربعة س زائد … واللي هيتبقى من الجزء ده الواحد، ونقفل القوس. هنلاحظ إن إحنا كده وصلنا لنفس شكل الصورة اللي كان طالبها مننا في السؤال. الواحد على ستة هنا زيها بالظبط واحد على ستة هنا. وبعدين هنلاقي الأقواس. والـ أ مكانها بقى فيه أربعة. والـ س والزائد نزلوا زي ما همّ. والـ ب بقى مكانها هنا واحد. وبكده لو كتبنا اتنين على تلاتة س زائد واحد على ستة، على الصورة واحد على ستة في أ س زائد ب. هيدي لنا واحد على ستة في أربعة س زائد واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.