فيديو: كتابة المقادير الجبرية لمساحة مستطيل

اكتب المقدار الذي يُعبِّر عن المساحة الكلية للمستطيل.

٠٢:٢١

‏نسخة الفيديو النصية

اكتب المقدار الذي يعبّر عن المساحة الكلية للمستطيل.

مِ الشكل الموضّح، بنلاقي عندنا إن فيه المستطيل أكبر، متقسّم إلى ست مستطيلات صغيرة. مطلوب إيجاد مساحة المستطيل الكبير. أول حاجة مساحة المستطيل بتُحسب من القانون التالي: مساحة المستطيل بتساوي الطول في العرض. فبنلاقي إن طول المستطيل الكبير عبارة عن تلاتة ص زائد تلاتة ص زائد تلاتة ص؛ لأنه متقسّم لتلات أجزاء. والتلات أجزاء متساوية. وبنلاقي إن عرضه عبارة عن خمسة س زائد خمسة س. وبالتالي ممكن نضرب الطول في العرض، عشان نقدر نوجد المساحة الكلية للمستطيل.

أو فيه حل آخر؛ بنلاقي عندنا إن المستطيل الكبير متقسّم لست مستطيلات متطابقة. وبالتالي لو أوجدنا مساحة أحد المستطيلات الصغيرة دي، وضربنا مساحته في ستة، نقدر نوجد مساحة المستطيل الكلية. يبقى هنكتب كده … يبقى بنكتب كده: مساحة المستطيل الكلية تساوي ستة في مساحة المستطيل الصغير.

يبقى المساحة الكلية هتساوي ستة في مساحة المستطيل الصغير. فهنختار المستطيل اللي إحنا شايفينه ده. بنلاقي إن طوله عبارة عن تلاتة ص، في عرضه عبارة عن خمسة س. يبقى المساحة الكلية هتكون عبارة عن ستة في تلاتة ص في خمسة س. بنضرب أول حاجة ستة في تلاتة في خمسة، فبنلاقي إن الناتج عبارة عن تسعين س ص. ولأن تسعين س ص عبارة عن مساحة، فبنكتب كده: تسعين س ص وحدة مربعة. يبقى الإجابة النهائية عبارة عن تسعين س ص وحدة مربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.