تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طول ضلع في مثلث بمعلومية الضلع المُناظِر في مثلث مشابه ونسبة التشابه بينهما

سوزان فائق

إذا كان ﺟﻫ = (ﺱ + ٢) سم، فما قيمة ﺱ؟

٠٢:٢٥

‏نسخة الفيديو النصية

في الشكل اللي قدامنا إذا كان ﺟ هـ يساوي س زائد اتنين سنتيمتر، فما قيمة س؟

في الشكل اللي قدامنا ﺀ هـ بيوازي ب ﺟ، وَ أ ﺀ بيساوي أربعة سنتيمتر، وَ أ هـ يساوي ستة سنتيمتر، وَ ب ﺀ يساوي تمنية سنتيمتر. هنستخدم تشابه المثلثات. حيث إنه إذا رسم مستقيم يوازي أحد أضلاع مثلث ويقطع الضلعين الآخرين، فإن المثلث الناتج يشابه المثلث الأصلي؛ إذن المثلث أ ﺀ هـ يشابه المثلث أ ب ﺟ؛ إذن قياسات الزوايا المتناظرة هتساوي بعض، وأطوال الأضلاع المتناظرة هتبقى متناسبة؛ يعني أ ﺀ على أ ب هيساوي ﺀ هـ على ب ﺟ هيساوي أ هـ على أ ﺟ.

هنشوف إيه القيم المعلومة علشان نوجد قيمة ﺟ هـ؛ أ ب عبارة عن أ ﺀ زائد ب ﺀ، يعني تمنية زائد أربعة، يعني هتساوي اتناشر سنتيمتر؛ وَ أ ﺀ قميتها أربعة سنتيمتر؛ أ هـ ستة سنتيمتر.

يبقى باستخدام القيم المعلومة نقدر نوجد أ ﺟ؛ يعني أربعة على اتناشر هتساوي ستة على أ ﺟ. بضرب طرفين في وسطين، يبقى أربعة أ ﺟ هيساوي ستة في اتناشر. بقسمة الطرفين على أربعة، يبقى أ ﺟ هتساوي تمنتاشر سنتيمتر.

وبما أن أ ﺟ بتساوي أ هـ زائد هـ ﺟ، يبقى تمنتاشر هتساوي … أ هـ قيمتها ستة سنتيمتر، زائد … هـ ﺟ هنعوّض عنها بقيمتها س زائد اتنين؛ يبقى س زائد تمنية تساوي تمنتاشر؛ يبقى الـ س هتساوي عشرة، وهي ﺀي القيمة المطلوبة.