تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: رسم المنحنيات من خلال جذورها

سوزان فائق

أيٌّ من التالي يُمثِّل الرسم البياني للدالة د(ﺱ) = (ﺱ − ٣)(ﺱ + ١)(ﺱ + ٤)؟ [أ] شكل ١ [ب] شكل ٢ [ج] شكل ٣ [د] شكل ٤ [ه] شكل ٥

٠٢:١٤

‏نسخة الفيديو النصية

أي من التالي يمثل الرسم البياني للدالة د س تساوي س ناقص تلاتة في س زائد واحد في س زائد أربعة؟

قدّامنا خمس تمثيلات بيانية لدوال، عايزين نعرف مين هو اللي بيمثل الدالة المعطاة. أول حاجة نبصّ عليها هي النقط اللي بيتقاطع فيها المنحنى مع محور السينات، اللي هي بتتسبب في إن الـ د س تساوي صفر. لو بصينا على الدالة المعطاة، هنلاقي إنه هو فيه س ناقص تلاتة في س زائد واحد في س زائد أربعة، يعني أي قوس من الأقواس دي هو المتسبب في الصفر؛ يبقى يا إما القوس الأولاني س ناقص تلاتة هيساوي صفر، عشان يتسبب في إن الدالة تساوي صفر، يبقى س تساوي تلاتة؛ أو س زائد الواحد هو اللي يساوي صفر، وبالتالي س تساوي سالب واحد؛ أو الـ س زائد أربعة بتساوي صفر، وبالتالي س تساوي سالب أربعة.

هي دي قيم السينات اللي هيتقاطع فيها المنحنى مع محور السينات. ممكن نشوف الرسومات اللي فيها الجذور كده صحيحة، ويبقى واحد منهم هو التمثيل البياني للدالة. هنلاقي إن التمثيل البياني رقم واحد غلط، ورقم اتنين غلط، ورقم خمسة غلط، يبقى باقي عندنا رقم تلاتة وأربعة. وعلشان نعرف منهم المنحنى السليم، هنشوف عند النقطة صفر وصفر الدالة قيمتها موجبة ولا سالبة؛ لأن في التمثيل البياني رقم تلاتة الدالة قيمتها موجبة، لكن في التمثيل البياني رقم أربعة الدالة قيمتها سالبة، فهنعوّض بالصفر في الدالة د س؛ يبقى د صفر هيساوي صفر ناقص تلاتة، وصفر زائد واحد، في صفر زائد الـ أربعة؛ هتطلع بسالب اتناشر، يبقى قيمة الدالة سالبة، يبقى المنحنى رقم تلاتة خطأ، والمنحنى رقم أربعة هو الإجابة الصحيحة؛ يبقى هو ده منحنى الدالة د س يساوي س ناقص تلاتة في س زائد الواحد في الـ س زائد الأربعة.