فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال التاسع والعشرون

امتحان الفزياء الدور الثاني للعام السابق • ٢٠١٨/٢٠١٧ • السؤال التاسع والعشرون

٠١:٥١

‏نسخة الفيديو النصية

أميتر أقصى قراءة له 𝐼 𝑔، ومقاومته واحد من العشرة أوم. ما مقاومة مجزِّئ التيار اللازمة لزيادة أقصى قراءة الأميتر إلى عشر أمثال 𝐼 𝑔؟

ففيه أميتر مقاومته واحد من العشرة أوم، وأقصى قراءة له هي 𝐼 𝑔. ومطلوب نعرف مقاومة مجزِّئ التيار اللازمة علشان تخلي الجهاز بعد توصيل مجزِّئ التيار يستحمل تيار بيساوي عشر أمثال 𝐼 𝑔.

فلو سمِّينا التيار اللي ماشي في مقاومة مجزِّئ التيار 𝐼 𝑠، وطبقنا قانون كيرشوف الأول على النقطة دي. وقانون كيرشوف الأول بيقول إن مجموع التيارات اللي داخلة لنقطة معينة، بيساوي مجموع التيارات اللي خارجه من نفس النقطة. فالتيار اللي داخل النقطة والجهاز كله هو 𝐼. والتيارات اللي خارجة من النقطة همّ 𝐼 𝑔 زائد 𝐼 𝑠. فده معناه إن 𝐼 𝑠 بتساوي 𝐼 ناقص 𝐼 𝑔.

وبما إن 𝐼 بتساوي عشرة 𝐼 𝑔، فنقدر كده نختصر المعادلة، ونقول إن 𝐼 𝑠 بيساوي تسعة في 𝐼 𝑔. وبما إن الأميتر ومجزِّئ التيار متوصلين على التوازي. فده معناه إن همّ الاتنين عليهم نفس فرق الجهد. وطبقًا لقانون أوم ففرق الجهد على أي مقاومة بيساوي التيار اللي ماشي فيها في قيمتها. فده معناه إن فرق الجهد اللي على الأميتر واللي بيساوي 𝐼 𝑔 في 𝑅 𝐴، بيساوي فرق الجهد اللي على مجزِّئ التيار واللي بيساوي 𝐼 𝑠 في 𝑅 𝑠.

فلو قسمنا طرفين المعادلة على 𝐼 𝑠، هنقدر نجيب 𝑅 𝑠. وإحنا لسّه مطلعين قيمة 𝐼 𝑠 إنها بتساوي تسعة في 𝐼 𝑔. فنقدر كده نختصر 𝐼 𝑔 مع 𝐼 𝑔، ونعوّض بقيمة الـ 𝑅 𝐴 بواحد من العشرة أوم. ونطلّع إن قيمة الـ 𝑅 𝑠 بتساوي مية وحداشر من العشرة آلاف أوم. وبكده نبقى عرفنا نجيب مقاومة مجزِّئ التيار اللي بتخلي الأميتر يقدر يقيس عشر أمثال التيار اللي بيقيسه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.