فيديو: حساب الزمن الذي تُزوَّد خلاله القدرة من مصدر طاقة

ما عدد الأيام التي يمكن لبطارية أن تُمِدَّ فيها آلة حاسبة للجيب، بطاقة مقدارها ‎8.00 × 10^4J، إذا كانت تستهلك طاقة بمعدل ‎1.00 × 10^−3W؟

٠١:٤١

‏نسخة الفيديو النصية

ما عدد الأيام التي يمكن لبطارية أن تُمِدَّ فيها آلة حاسبة للجيب، بطاقة مقدارها تمنية في عشرة أُس أربعة جول … إذا كانت تستهلك طاقة بمعدل واحد في عشرة أُس سالب تلاتة وات؟

فإحنا عندنا بطارية، الطاقة المتخزّنة فيها بتساوي تمنية في عشرة أُس أربعة جول. فلو حطّينا البطارية دي، في آلة حاسبة بتستهلك الطاقة بمعدل واحد في عشرة أُس سالب تلاتة وات. عايزين نعرف عدد الأيام، قبل ما البطارية دي تخلص. فعلشان نجيب الزمن، هنرجع لتعريف القدرة إنها بتساوي الطاقة، مقسومة على الزمن. فلو ضربنا طرفين المعادلة في، الزمن على القدرة. هنقدر نطلّع إن الزمن بيساوي الطاقة على القدرة.

فنقدر نعوّض مكان الطاقة، بطاقة البطارية، اللي هي بتساوي تمنية في عشرة أُس أربعة جول. والمفروض إنها هتُستهلك بمعدل استهلاك الآلة الحاسبة، اللي هي قدرة الآلة الحاسبة. اللي بتساوي واحد في عشرة أُس سالب تلاتة وات. ووحدة الوات بتساوي جول على الثانية. فنقدر نعوّض مكانها، بجول على ثانية. وكمان ممكن نختصر الجول مع الجول. فهنطلّع إن الزمن بيساوي تمانين في عشرة أُس ستة ثانية.

ولكن المطلوب منّنا هو عدد الأيام. فعلشان نحوّل من ثانية لأيام، هنلاقي إن اليوم فيه أربعة وعشرين ساعة. والساعة الواحدة فيها ستين دقيقة. والدقيقة الواحدة فيها ستين ثانية. فكده نبقى عرفنا التحويل من أيام لثانية. فنقدر كده نحسب الزمن بالأيام. وهنلاقيه بيساوي تمانين في عشرة أُس ستة؛ في واحد على، أربعة وعشرين في ستين في ستين. فهنطلّع إن الزمن بيساوي تسعمية ستة وعشرين يوم.

وبكده نبقى عرفنا نطلّع عدد الأيام، اللي هتُستهلك فيهم البطارية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.