نسخة الفيديو النصية
أوجد الحد الأول من المتتابعة الحسابية التي أساسها سالب اثنا عشر؛ حيث ح تسعة وأربعون يساوي سالب خمسمائة وأربعين.
عشان نوجد الحد الأول من المتتابعة الحسابية، هنستخدم العلاقة ح ن بتساوي ح واحد، زائد ن ناقص واحد، مضروب في د. حيث ح ن هو الحد النوني أو أي حد في المتتابعة. وَ ن هو رقم الحد. وَ د هو أساس المتتابعة.
معطى في السؤال إن ح تسعة وأربعين بتساوي سالب خمسمية وأربعين. فممكن نقول إن ح تسعة وأربعين بيساوي سالب خمسمية وأربعين، هيساوي ح واحد زائد ن … اللي هو ترتيب الحد اللي هو في الحالة دي هيبقى تسعة وأربعين، ناقص واحد، مضروب في أساس المتتابعة اللي هو سالب اتناشر.
ده هيساوي ح واحد زائد تمنية وأربعين في سالب اتناشر. وبإجراء عملية الضرب، ده هيساوي ح واحد ناقص خمسمية وستة وسبعين. فده معناه إن سالب خمسمية وأربعين، بيساوي ح واحد ناقص خمسمية وستة وسبعين.
فبإضافة خمسمية ستة وسبعين للطرفين، نقدر نقول إن ح واحد هيساوي سالب خمسمية وأربعين، زائد خمسمية وستة وسبعين. اللي هيساوي ستة وتلاتين. يبقى الحد الأول في المتتابعة الحسابية بيساوي ستة وتلاتين.
