فيديو: إيجاد معدَّل التغيُّر في جدول مُعطًى

باستخدام المعلومات في الجدول التالي، أوجد معدل التغير في عدد بذور كل برتقالة، في صورة كسر.

٠٢:٣٤

‏نسخة الفيديو النصية

باستخدام المعلومات في الجدول التالي، أوجد معدل التغير في عدد بذور كل برتقالة في صورة كسر.

ومعطى عندنا الجدول اللي في الشكل، وبيبين عدد البرتقال وعدد البذور، والمطلوب في السؤال إننا نوجد معدل التغير في عدد بذور كل برتقالة، يعني عايزين نعرف مقدار الزيادة أو النقصان لعدد البذور في كل برتقالة، فمعنى كده إننا هنوجد التغير في عدد البذور على التغير في عدد البرتقال.

وفي الأول هنشوف التغير في عدد البذور، يعني عايزين نعرف البذور اتغيرت من أربعة وخمسين لتسعين بمقدار إيه، يبقى هنطرح تسعين ناقص أربعة وخمسين. وبنفس الطريقة هنشوف التغير في عدد البرتقال، يعني عايزين نشوف البرتقال اتغير من تلاتة إلى خمسة بمقدار قد إيه، يبقى هنطرح خمسة ناقص تلاتة. بعد كده هنحسب فهيبقى البسط تسعين ناقص أربعة وخمسين، فلما نحسبها هتبقى بتساوي ستة وتلاتين، وأما المقام خمسة ناقص تلاتة هتبقى بتساوي اتنين، فهيبقى معدل التغير ستة وتلاتين على اتنين.

لكن المطلوب في السؤال إننا نوجد معدل التغير في عدد بذور كل برتقالة، يعني عايزين نوجد معدل التغير في عدد البذور للبرتقالة الواحدة، فمعنى كده إننا عايزين نخلي المقام اللي هو اتنين عايزين نخليه واحد، فهنقسم البسط والمقام على اتنين. فلما نقسم ستة وتلاتين على اتنين هتبقى بتساوي تمنتاشر، وأما في المقام هنقسم اتنين على اتنين واللي هتساوي واحد؛ فبالتالي هيبقى معدل التغير في عدد بذور كل برتقالة هو تمنتاشر على واحد.

وبرضو كان نقدر نوجد معدل التغير من خلال عدد البرتقال من خمسة لسبعة، وعدد البذور من تسعين لمية ستة وعشرين، فبنفس الطريقة هيبقى معدل التغير بيساوي مية ستة وعشرين ناقص تسعين على سبعة ناقص خمسة، فلما نحسبها هتبقى بتساوي ستة وتلاتين على اتنين، يعني هتبقى نفس الإجابة. فلما نقسم البسط والمقام على اتنين، هيبقى بيساوي تمنتاشر على واحد؛ وبالتالي هيبقى معدل التغير في عدد بذور كل برتقالة هو تمنتاشر على واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.