فيديو: استخدام خواص مثلثين متشابهين لحساب أطوال الأضلاع المتناظرة

سوزان فائق

في الشكل الموضح ﺩﻫ، ﺏﺟ متوازيان. استخدِم التشابُه لحساب قيمة ﺱ.

٠٢:٣٢

‏نسخة الفيديو النصية

في الشكل الموضح د ﻫ، وَ ب ﺟ متوازيان. استخدِم التشابُه لحساب قيمة س.

بما أن د ﻫ، وَ ب ﺟ متوازيان، يبقى الزوايا المتناظرة هتبقى متساوية. يعني الزاوية ﺟ هتساوي الزاوية د ﻫ أ. والزاوية ب هتساوي الزاوية ﻫ د أ. فبما أن الزوايا المتناظرة متساوية، يبقى المثلثان أ ﻫ د، وَ أ ﺟ ب مثلثان متشابهان. وفي المثلثات المتشابهة، الزوايا المتناظرة متطابقة، والأضلاع المتناظرة بتبقى متناسبة. يعني الضلع أ ﻫ بيناظر الضلع أ ﺟ. والـ أ د يناظر الضلع أ ب. يبقى نسب الأطوال بتاعتهم هتبقى متساوية. يعني الـ أ ﻫ على الـ أ ﺟ هيساوي الـ أ د على أ ب.

الـ أ ﻫ بخمسة. والـ أ د بتلاتة. الـ أ ﺟ بـ س زائد اتنين زائد خمسة. والـ أ ب بـ س زائد التلاتة. بضرب طرفين في وسطين، يبقى الخمسة في، الـ س زائد التلاتة، هتساوي تلاتة في، الـ س زائد السبعة. هيبقى خمسة س زائد خمستاشر تساوي تلاتة س زائد واحد وعشرين.

هنحل المعادلة دي؛ لإيجاد قيمة س. هنخلّي السينات كلها في طرف لوحدها. يبقى بطرح تلاتة س من طرفَي المعادلة، وطرح خمستاشر من طرفَي المعادلة. خمسة س ناقص تلاتة س، هيبقى اتنين س. زائد خمستاشر ناقص خمستاشر هتساوي الصفر. الكلام ده هيساوي … تلاتة س ناقص تلاتة س بصفر. وواحد وعشرين ناقص خمستاشر يبقى ستة.

بقسمة طرفَي المعادلة على اتنين، يبقى الـ س هتساوي ستة على اتنين، هتساوي تلاتة. ويبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.