فيديو: قسمة الأعداد العشرية على ١٠، ١٠٠، ١٠٠٠

أكمل الجدول الآتي:

٠١:٣٠

‏نسخة الفيديو النصية

أكمل الجدول الآتي.

عندنا في الخانة الأولى العدد ميتين واحد وتلاتين واتنين وسبعين من مية. وفي الخانة التانية العدد مقسوم على عشرة. ومطلوب نكتب بيساوي كام مكان النقط. وكمان في الخانة التالتة والرابعة، مطلوب نقسم العدد اللي عندنا ده، مرة على مية، ومرة على ألف. ونكتب ناتج القسمة مكان النقط.

أيّ عدد عشري، زيّ اللي في المثال بتاعنا ده، لمّا بنقسمه على عشرة، أو مية، أو ألف، وهكذا … بنبدأ نحرّك العلامة العشرية اتجاه الشِّمال. بعدد مرّات بيساوي عدد الأصفار اللي موجودة في العدد اللي بنقسمه عليه. وبكده علشان نقسم العدد ده على عشرة، هنلاقي إن عندها صفر واحد. وبالتالي هنحرّك العلامة العشرية اتجاه الشِّمال مرة واحدة فقط. فهيكون ناتج القسمة على عشرة، هو العدد تلاتة وعشرين ومية اتنين وسبعين من ألف.

ونفس الخطوات لمّا نيجي نقسم على مية. هنلاقي إن المية عندها صفرين، وبالتالي هنحرّك العلامة العشرية مرتين اتجاه الشِّمال. فهيكون ناتج القسمة على مية، هو العدد اتنين وتلات آلاف مية اتنين وسبعين من عشرة آلاف. وكمان لمّا نقسم على ألف، هنحرّك العلامة العشرية تلات مرات اتجاه الشِّمال. فهيكون ناتج القسمة هو العدد تلاتة وعشرين ألف ومية اتنين وسبعين من مية ألف. وهي دي بالفعل الأعداد اللي كتبناها في الجدول، وكمّلناه بيهم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.