فيديو: تبسيط المقادير الجبرية التي تتضمن الأسس والجذور التكعيبية

اختصر ؆((٠٫٠٦٤)(ﻥ^٤٢)(ﻉ^٢٧)).

٠٢:٣٨

‏نسخة الفيديو النصية

اختصر الجذر التكعيبي للمقدار التالي.

بنبدأ أول حاجة نكتب الجذر التكعيبي للمقدار اللي مكتوب عندنا في السؤال. بعد كده هنبدأ نوزّع الجذر التكعيبي على المقادير اللي تحت الجذر. فبنلاقي إن أول مقدار هيكون عبارة عن الجذر التكعيبي لصفر وأربعة وستين من ألف، والمقدار التاني هيكون عبارة عن الجذر التكعيبي لـ ن أس اتنين وأربعين، والمقدار التالت هيكون عبارة عن الجذر التكعيبي لـ ع أس سبعة وعشرين.

بعد كده هنكتب المقدار اللي تحت الجذر التكعيبي، وهو صفر وأربعة وستين من ألف، في صورة كسر. زي ما إحنا شايفين أصبح عبارة عن الجذر التكعيبي لأربعة وستين على ألف، وباقي المقادير زي ما هي.

دلوقتي نقدر نكتب المقادير تحت الجذور التكعيبية في صورة مقدار تكعيبي. فبنلاقي عندنا، على سبيل المثال، إن الجذر التكعيبي لأربعة وستين على ألف عبارة عن أربعة على عشرة، أس تلاتة. وبنلاقي إن الجذر التكعيبي لـ ن أس اتنين وأربعين هيبقى عبارة عن ن أس أربعتاشر، أس تلاتة. والمقدار الأخير هيبقى عبارة عن الجذر التكعيبي لـ ع أس تسعة، أس تلاتة.

وبما أن الجذر التكعيبي لأي مقدار أس تلاتة عبارة عن المقدار نفسه، بكده يبقى الجذر التكعيبي لأربعة على عشرة الكل أس تلاتة، هيبقى عبارة عن أربعة على عشرة. والجذر التكعيبي لـ ن أس أربعتاشر، أس تلاتة، هيبقى عبارة عن ن أس أربعتاشر. وبعد كده هنلاقي آخر مقدار هيبقى عبارة عن ع أس تسعة.

بعد كده هنكتب الكسر أربعة على عشرة في صورة عشرية، وهيبقى عبارة عن صفر وأربعة من عشرة ن أس أربعتاشر ع أس تسعة. وبكده يبقى قدرنا نختصر الجذر التكعيبي المذكور في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.