فيديو: قراءة البيانات من الأعمدة البيانية متضمنة الطرح

يوضِّح الرسم البياني عدد الكتب التي يملكها مجموعة من الأصدقاء. أيُّ الأصدقاء يملك كتبًا أقل من حمزة بكتابين؟

٠١:١٤

‏نسخة الفيديو النصية

يوضح الرسم البياني عدد الكتب التي يملكها مجموعة من الأصدقاء. أيّ الأصدقاء يملك كتبًا أقل من حمزة بكتابين؟

دلوقتي عايزين نشوف من خلال الرسم اللي قدامنا، عشان نقدر نعرف عدد الكتب اللي بيملكها حمزة، الممثَّل بالعمود اللي مرسوم ده، هناخد خط أفقي نرسمه من قمة العمود، ونقطع بيه المحور اللي بيمثّل عدد القصص، هنلاقي إن إحنا هنقطعه عند العدد أربعتاشر. والمطلوب مننا نحدد مين من الأصدقاء بيمتلك كتب أقل من حمزة بكتابين؛ يعني أقل من العدد اللي هو أربعتاشر ده باتنين. العدد اللي أقل من أربعتاشر باتنين هو اتناشر، يبقى نقدر نشوف … لو مشينا بخط أفقي من العدد اتناشر، أيّ من الأعمدة هيبقى قمّته عند العدد ده، هنلاقي إن العمود اللي قمته بتمثل بالظبط العدد اتناشر، هو العمود اللي بيمثل عدد القصص اللي قرتها رحمة.

يبقى كده عرفنا إن رحمة عندها اتناشر كتاب، وحمزة عنده أربعتاشر، يبقى رحمة هي الصديق اللي بيمتلك كتبًا أقل من حمزة بكتابين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.