فيديو: إيجاد الفرق بين محيطَيْ دائرتين بمعلومية نصف قطرَيْهما

باعتبار ٧/٢٢ قيمة 𝜋 التقريبية‎، ما الفرق بين محيط دائرة نصف قطرها ٧٧ سم ومحيط دائرة أخرى نصف قطرها ٦٣ سم؟

٠٢:١١

‏نسخة الفيديو النصية

باعتبار اثنان وعشرون على سبعة قيمة 𝜋 التقريبية، ما الفرق بين محيط دائرة نصف قطرها سبعة وسبعون سنتيمترًا ومحيط دائرة نصف قطرها ثلاثة وستون سنتيمترًا؟

محيط الدائرة بيساوي اتنين 𝜋 نق، يبقى محيط الدائرة الأولى بيساوي اتنين في 𝜋 … هناخد قيمتها التقريبية من السؤال باتنين وعشرين على سبعة، يبقى اتنين في اتنين وعشرين على سبعة في نق … ونصف قطر الدائرة الأولى هو سبعة وسبعين سنتيمتر، يبقى في سبعة وسبعين، وباستخدام التبسيط ده هيساوي اتنين في اتنين وعشرين في حداشر، فباستخدام خاصية الدمج هنضرب أول عددين، بعدين نضرب حاصل ضربهم في العدد التالت؛ فده هيساوي اتنين في اتنين وعشرين هيساوي أربعة وأربعين، يبقى أربعة وأربعين في حداشر وأربعة وأربعين في حداشر هيساوي ربعمية وأربعة وتمانين سنتيمتر.

محيط الدائرة التانية هيساوي اتنين، في 𝜋 اللي هي اتنين وعشرين على سبعة، في نق اللي هو نصف القطر ونصف قطر الدائرة التانية بيساوي تلاتة وستين سنتيمتر، يبقى في تلاتة وستين. وباستخدام التبسيط ده هيساوي اتنين في اتنين وعشرين في تسعة، وده هيساوي … برضو باستخدام خاصية الدمج هنضرب أول عددين ونضرب حاصل ضربهم في العدد التالت؛ يبقى هيساوي اتنين في اتنين وعشرين اللي هيساوي أربعة وأربعين في تسعة، وأربعة وأربعين في تسعة هيساوي تلتمية وستة وتسعين سنتيمتر.

يبقى الفرق بين المحيطين هيساوي … محيط الدائرة الأولى اللي هو ربعمية أربعة وتمانين سنتيمتر، ناقص محيط الدائرة التانية اللي هو تلتمية وستة وتسعين سنتيمتر، يبقى ربعمية وأربعة وتمانين ناقص تلتمية وستة وتسعين، وده هيساوي تمنية وتمانين سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.