فيديو: التحويل بين والأميال والياردات والمقارنة بينها

يبعُد منزل رانيا ٣ أميال عن المدرسة، بينما منزل نبيل يبعُد ٣‎٢٦٢ ياردة عن المدرسة. أيُّهما منزله أقرب إلى المدرسة؟

٠٤:٢٥

‏نسخة الفيديو النصية

يبعُد منزل رانيا تلات أميال عن المدرسة. بينما منزل نبيل يبعُد تلات آلاف ميتين اتنين وستين ياردة عن المدرسة. أيّهما منزله أقرب إلى المدرسة؟

السؤال بيقول لنا إن فيه بنت اسمها رانيا، بيتها بعيد عن المدرسة تلاتة ميل. وفيه ولد اسمه نبيل، بيته بعيد عن المدرسة تلات آلاف ميتين اتنين وستين ياردة. عاوزين نعرف مين فيهم الأقرب للمدرسة. يعني إيه الأقرب؟ يعني اللي المسافة ما بين بيته للمدرسة، أصغر. فمحتاجين نقارن بين التلات أميال، والتلات آلاف ميتين اتنين وستين ياردة. ونشوف مين فيهم الصغير، ويبقى هو اللي مسافته أقصر، وبيته أقرب للمدرسة.

طيب إحنا علشان نقارن بين الميل والياردة، محتاجين نخلّيهم زيّ بعض. يعني إيه زيّ بعض؟ يعني يا نخلّي المسافتين الاتنين بالأميال، يا نخلّيهم الاتنين بالياردة. علشان نعرف نعمل ده، هنشوف الأول إزاي نحوّل من الميل للياردة، والعكس من الياردة للميل.

الميل الواحد فيه أو بيساوي خمسة آلاف ميتين وتمانين قدم. والقدم الواحد بيساوي تلاتة ياردة. يبقى إحنا علشان نحوّل من الميل للياردة، محتاجين نعدّي على القدم في النص الأول. يعني إيه؟ يعني إحنا لو عندنا هنا الميل، وهنحوّله للياردة، هنضرب الأول في خمسة آلاف ميتين وتمانين. والناتج اللي يطلع، نضربه تاني في تلاتة؛ عشان يبقى كأننا حوّلنا من الميل للقدم، ومن القدم للياردة. في الحالتين وصلنا من الميل للياردة. طيب لو ماشيين العكس؛ لو عايزين بقى نحوّل من الياردة لحدّ الميل، نعمل إيه؟ نقسم. أول حاجة هنقسم على خمسة آلاف ميتين وتمانين. وبعدين الناتج اللي يطلع، نقسمه تاني على التلاتة.

طيب دلوقتي بقى إحنا هنعمل إيه؟ هنحوّل التلات أميال، للياردة. يعني هتساوي إيه؟ هنقول تلاتة في خمسة آلاف ميتين وتمانين في تلاتة، زيّ ما اتفقنا. طيب هو إحنا بقى لمّا نيجي نضرب التلاتة في تلاتة، مش بتساوي تسعة؟ يبقى إحنا كده عندنا … هنمسح كده، ونخلّي دي تسعة. عشان كده بقينا نضرب تسعة في خمسة آلاف ميتين وتمانين. تسعة في خمسة آلاف ميتين وتمانين بتساوي سبعة وأربعين ألف خمسمية وعشرين. خمسمية وعشرين إيه؟ ياردة. يبقى كده إحنا خلّينا التلات أميال بسبعة وأربعين ألف خمسمية وعشرين ياردة. ودي المسافة اللي بتبعدها رانيا عن المدرسة، أو بيت رانيا عن المدرسة.

دلوقتي بقى نقدر بسهولة نقارن. هنقارن ما بين سبعة وأربعين ألف خمسمية وعشرين، وتلات آلاف ميتين اتنين وستين. مين الصغير؟ أكيد التلات آلاف ميتين اتنين وستين هو الأصغر. فده معناه إن سبعة وأربعين ألف خمسمية وعشرين كبير، وتلات آلاف ميتين اتنين وستين عدد صغير. إحنا بنقارن تلاتة آلاف بسبعة وأربعين ألف. فأكيد هي دي المسافة القصيرة، أو الصغيرة. طب هي المسافة دي، اللي هي تلات آلاف ميتين اتنين وستين ياردة دي، بُعد بيت مين؛ رانيا ولا نبيل؟ نبيل. يبقى كده مين اللي بيته أقرب للمدرسة؛ عشان المسافة أقصر للمدرسة؟ هو نبيل. فتبقى الإجابة الصح على السؤال بتاعنا، نبيل. لأنه بيسألنا: أيّهما منزله أقرب؛ رانيا ولّا نبيل؟ نقول له نبيل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.