فيديو: إيجاد مجموعة حل متباينات خطية ذات خطوة واحدة في مجموعة الأعداد الطبيعية

أوجد مجموعة حل ﺱ − ٢< ١ لكل ﺱ ∈ ﻃ.

٠١:٢٩

‏نسخة الفيديو النصية

أوجد مجموعة حل: س ناقص اتنين أصغر من واحد، لكل س تنتمي إلى ط.

المتباينة اللي قدامنا دي، اللي هي س ناقص اتنين أقلّ من واحد، عايزين نوجد لها مجموعة الحلّ. مجموعة الحلّ بحيث إن س بتنتمي إلى ط. طب إزّاي بنقدر نوجد مجموعة الحلّ؟ مجموعة الحلّ هي جميع قيم س الممكِنة، اللي ممكن تمثّل حلّ للمتباينة. بنوجدها عن طريق إن إحنا عايزين نخلّي المتغيّر س في طرف لوحده من أطراف المتباينة. وبكده بنقدر نوصل للقيم الممكِنة لـ س.

يعني هنبدأ بإننا هنجمع اتنين على طرفَي المتباينة اللي قدامنا بالشكل ده. ففي الطرف الأيمن سالب اتنين زائد اتنين هيساوي صفر. فيتبقّى في الطرف الأيمن س أقلّ من الطرف الأيسر؛ واحد زائد اتنين، اللي هو بيساوي تلاتة. يبقى س أقلّ من تلاتة. أيّ قيمة ل س أقلّ من تلاتة وتنتمي إلى ط. ما ننساش مجموعة الأعداد الطبيعية ط، اللي هي الأعداد صفر، واحد، اتنين، تلاتة، وهكذا. طب إحنا دلوقتي بنقول: إن س لازم تبقى أقلّ من تلاتة. أقلّ من تلاتة، يعني تلاتة دي مش هتبقى معانا. يعني هتبقى مجموعة الحلّ اللي عندنا همّ التلات عناصر دول.

وبكده تبقى مجموعة الحلّ هي المجموعة: صفر، وواحد، واتنين. أو هي دي مجموعة قيم س الممكِنة اللي ممكن تحقّق صحّة المتباينة اللي قدامنا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.