فيديو: حل معادلات ذات متغيِّر واحد في سياق واقعي

باسم عنده مجموعة من ٥١ طابعًا. عندما انتقل لمنزل آخَر، قسم الطوابع فوضع عددًا متساويًا من الطوابع في كل ألبوم من أول ٨ ألبومات و٣ طوابع في الألبوم الأخير. أوجد عدد الطوابع في أول ٨ ألبومات بحل المعادلة ٨ﺱ + ٣ = ٥١؛ حيث ﺱ عدد الطوابع.

٠٢:١٩

‏نسخة الفيديو النصية

باسم عنده مجموعة من واحد وخمسين طابعًا. عندما انتقل لمنزل آخَر قسّم الطوابع. فوضع عددًا متساويًا من الطوابع في كل ألبوم من أول تمن ألبومات، وتلات طوابع في الألبوم الأخير. أوجد عدد الطوابع في أول تمن ألبومات، بحل المعادلة: تمنية س زائد تلاتة يساوي واحد وخمسين. حيث س عدد الطوابع.

يعني معطى عندنا المعادلة دي. والمطلوب إننا نحلها؛ علشان نوجد قيمة س. فالمعادلة هي: تمنية س زائد تلاتة يساوي واحد وخمسين. بحيث إن س هو عدد الطوابع اللي عايزين نوجده. لأن معطى عندنا إن باسم عنده مجموعة من واحد وخمسين طابعًا. يعني ده إجمالي عدد الطوابع اللي عنده.

وقسّم الطوابع دي في ألبومات. وقسّمهم بعدد متساوي في أول تمن ألبومات. فبالتالي المعادلة هي: تمنية في س. لأن التمنية هو عدد الألبومات اللي قسّم فيها الطوابع بعدد متساوي. وَ س هي عدد الطوابع. فلمّا قسّمهم بالتساوي في أول تمن ألبومات، اتبقّى عنده تلات طوابع. وهم دول اللي حطّهم في آخِر ألبوم. فبالتالي المعادلة عندنا هي: تمنية س زائد تلاتة. والتلاتة اللي هم آخِر تلات طوابع اتبقّوا، فحطّهم في ألبوم لوحده. فكان المجموع كله هو واحد وخمسين، اللي هو إجمالي عدد الطوابع.

فبالتالي عشان نوجد عدد الطوابع، يبقى عايزين نوجد قيمة س. فأول حاجة هنعملها، إننا هنطرح تلاتة من طرفَي المعادلة. فهيبقى الطرف الأيمن للمعادلة هو: تمنية س زائد تلاتة ناقص تلاتة. وزائد تلاتة ناقص تلاتة بصفر، فيتبقّى تمنية س. وأمّا الطرف الأيسر للمعادلة، فهنحسب واحد وخمسين ناقص تلاتة، واللي هتساوي تمنية وأربعين.

بعد كده عشان نوجد قيمة س، يبقى هنقسم طرفَي المعادلة على تمنية. فهيبقى الطرف الأيمن للمعادلة هو: تمنية س على تمنية. ونقدر نختصر تمنية مع تمنية، فيتبقّى س. وأمّا في الطرف الأيسر، فهنقسم تمنية وأربعين على تمنية، واللي هتساوي ستة. فبالتالي هتبقى س يساوي ستة. فمعنى كده إن هتبقى إجابة السؤال: «اوجد عدد الطوابع في أول تمن ألبومات» فهيبقى عدد الطوابع هو ستة. وهي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.