فيديو: إيجاد زاوية مجهولة في المسائل التي تتضمن مستقيمات متوازية

أوجد قيمة ﺱ في الشكل الموضَّح.

٠١:٤٦

‏نسخة الفيديو النصية

أوجد قيمة س في الشكل الموضَّح.

ومعطى عندنا الشكل اللي قدّامنا، وعندنا الخطين دول متوازيين، ومعطى عندنا الزاوية دي قياسها مية واحد وأربعين درجة، والزاوية دي قياسها س درجة.

ومن الشكل هنلاحظ إن الزاوية دي والزاوية دي بيكوّنوا زاويتين متناظرتين؛ لأن زي ما عرفنا إن الخطين دول متوازيين، والزاويتين على نفس الجهة من القاطع؛ فبالتالي هيبقى الزاويتين دول زي ما قلنا زاويتين متناظرتين. والزوايا المتناظرة بيبقى ليها القياس نفسه؛ فبالتالي هيبقى قياس الزاوية دي مية واحد وأربعين درجة زي قياس الزاوية المناظرة ليها.

بعد كده عشان نوجد قيمة س، فهنلاحظ من الشكل إن الزاوية دي والزاوية دي زاويتين متكاملتين؛ لأن هم الاتنين بيكوّنوا زاوية مستقيمة؛ فبالتالي هيبقى مجموع الزاويتين مية وتمانين درجة، اللي هو قياس الزاوية المستقيمة؛ فمعنى كده إن س زائد مية واحد وأربعين، اللي هو قياس الزاوية دي وقياس الزاوية دي، بيساوي مية وتمانين. فعشان نوجد قيمة س، يبقى هنطرح مية واحد وأربعين من طرفَي المعادلة؛ فهيبقى الطرف الأيمن للمعادلة س زائد مية واحد وأربعين ناقص مية واحد وأربعين هتساوي س، وأمّا الطرف الأيسر للمعادلة فهنطرح مية وتمانين ناقص مية واحد وأربعين. فلمّا نحسبها، هتبقى بتساوي تسعة وتلاتين؛ وبالتالي هيبقى قيمة س هي تسعة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.