فيديو: إيجاد قيمة المقادير الجبرية بعد حل معادلة خطية ذات خطوة واحدة

‏نسخة الفيديو النصية

إذا كان ستة س تساوي أربعة وخمسين، فما قيمة س على تلاتة؟

محتاجين نوجد قيمة س على تلاتة، يبقى في البداية عايزين نحسب قيمة س. نقدر نوجدها من المعادلة: ستة س تساوي أربعة وخمسين. عايزين نكتب س في طرف لوحدها، هنقسم طرفَي المعادلة على ستة. هيبقى عندنا ستة س على ستة تساوي أربعة وخمسين على ستة. وبالتالي س هتساوي تسعة.

يبقى كده قدرنا نحسب قيمة س. عايزين نحسب في السؤال س على تلاتة. يبقى هنعوّض عن س بتسعة. يبقى هيساوي تسعة على تلاتة. وبالتالي هيساوي تلاتة. يبقى قدرنا نحسب قيمة س على تلاتة، وهي تلاتة.