تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: فكُّ المقادير الجبرية باستخدام خاصية التوزيع

أحمد لطفي

احسب −٢ﺱ(٥ﺱ^٣ − ٥ﺱ^٢).

٠١:٤٢

‏نسخة الفيديو النصية

احسب سالب اتنين س في خمسة س أُس تلاتة ناقص خمسة س أُس اتنين.

هنكتب المقدار مرة كمان فهيكون بالشكل ده. الحد الجبري خارج الأقواس، اللي هو سالب اتنين س، هنضربه في كل حد داخل الأقواس؛ يعني هنضرب سالب اتنين س في خمسة س أُس تلاتة، وهنضرب سالب اتنين س في سالب خمسة س أُس اتنين، يعني المقدار هيساوي سالب اتنين س في خمسة س أُس تلاتة زائد سالب اتنين س في سالب خمسة س أُس اتنين.

يعني المقدار هيساوي سالب اتنين في خمسة هيساوي سالب عشرة، و س في س أُس تلاتة … بما إن الأساس ثابت، فهنجمع الأسس، يعني هيكون بتساوي س أُس أربعة، يعني سالب اتنين س في خمسة س أُس تلاتة هيساوي سالب عشرة س أُس أربعة، زائد، سالب اتنين في سالب خمسة هيساوي عشرة، و س في س أُس اتنين … هنلاحظ إن الأساس ثابت فهنجمع الأسس، يعني هيساوي س أُس تلاتة، ويبقى سالب اتنين س في سالب خمسة س أُس اتنين هيساوي عشرة س أُس تلاتة، يعني المقدار سالب اتنين س في خمسة س أُس تلاتة ناقص خمسة س أُس اتنين هيساوي سالب عشرة س أُس أربعة زائد عشرة س أُس تلاتة.