فيديو: تكامل الدوال المثلثية التي تتضمَّن دوال المقلوب المثلثية

أوجد ∫ (−٤ جتا س + ٦/(جتا^٢ س) − ٢٠) دس.

٠١:٣٣

‏نسخة الفيديو النصية

أوجد تكامل سالب أربعة جتا س زائد، ستة على جتا تربيع س، ناقص عشرين بالنسبة للـ س.

ده تكامل دوال مثلّثية. بس فيها ستة على جتا تربيع س. يعني فيها مقلوب لدالة مثلثية، اللي هو واحد على جتا تربيع س. ده بيساوي قا تربيع س. هنعوّض عنها في التكامل، يبقى هنوجد تكامل سالب أربعة جتا س، زائد ستة قا تربيع س، ناقص عشرين بالنسبة لـ س.

هنكامل. الـ جتا س دي تكاملها جا س. والـ قا تربيع س تكاملها هو ظا س. والعشرين عدد ثابت، تكامله بيبقى عشرين س. يبقى التكامل هيساوي … سالب أربعة جتا س هتبقى سالب أربعة جا س، زائد … ستة قا تربيع س هتبقى ستة ظا س، ناقص عشرين س. كل ده زائد أيّ عدد ثابت؛ لأن ده تكامل غير محدود.

هنعيد ترتيبها بحيث إن تبقى الـ س في أول حدّ من الحدود. هيبقى سالب عشرين س، ناقص أربعة جا س، زائد ستة ظا س، زائد أيّ عدد ثابت. وهتبقى هي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.