فيديو: حساب مُعامِل الانكسار لوسط

احسب معامل الانكسار لوسط فيه سرعة الضوء تساوي ‎2.03 × 10^8m/s.

٠٠:٥٧

‏نسخة الفيديو النصية

احسب معامل الانكسار لوسط فيه سرعة الضوء تساوي اتنين وتلاتة من المية، في عشرة أُس تمنية متر على الثانية.

فإحنا لو عندنا ضوء ماشي في الفراغ، سرعته هتساوي تلاتة في عشرة أُس تمنية متر على الثانية. أمّا لو الضوء ده كان ماشي في وسط تاني غير الفراغ، هنلاقي سرعته قلّت عن سرعة الفراغ. وفي الحالة بتاعتنا هنا، هتبقى بتساوي اتنين وتلاتة من المية، في عشرة أُس تمنية متر على الثانية. والمطلوب منّنا، إن إحنا نعرف معامل الانكسار للمادة دي.

ومعامل الانكسار بتاع أيّ مادة، هو عبارة عن النسبة ما بين سرعة الضوء في الفراغ، وسرعة الضوء في المادة دي. فممكن هنا نعوّض بقيمة سرعة الضوء في الفراغ، اللي هي تلاتة في عشرة أُس تمنية متر على الثانية. وقيمة سرعة الضوء في المادة بتاعتنا، اللي هي اتنين وتلاتة من المية، في عشرة أُس تمنية متر على الثانية. فكده هنطلّع إن معامل الانكسار بيساوي واحد وتمنية وأربعين من المية.

وبكده نبقى عرفنا نجيب معامل الانكسار لمادة، بمعرفة سرعة الضوء فيها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.