تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد طول ضلع في مثلث بمعلومية الضلع المُناظِر له في مثلث مُشابِه ونسبة التشابُه بينهما

أحمد لطفي

إذا كان △ﺃﺏﺟ ~△ﺃدﻫ، فأوجد قيمة ﺱ.

٠٢:٤٦

‏نسخة الفيديو النصية

إذا كان المثلث أ ب ج يشابه المثلث أ د هـ أوجد قيمة س.

في البداية في المثلثين أ ب ج و أ د هـ هنلاحظ إن الضلع أ ب بيناظر الضلع أ د، وإن الضلع ب ج بيناظر الضلع د هـ، وإن الضلع أ ج بيناظر الضلع أ هـ، وبما إن المثلثين متشابهين فأطوال الأضلاع المتناظرة هتكون متناسبة؛ وبالتالي هيكون عندنا أ ب على أ د بيساوي ب ج على د هـ بيساوي أ ج على أ هـ هنعوّض عن كل ضلع بقيمته فهيكون عندنا: أ ب هي اتنين س ناقص أربعة، على أ د س زائد سبعتاشر هيساوي ب ج بتساوي تسعة على د هـ هيساوي خمستاشر، وهنجد إن أطوال الضلعين أ ج و أ هـ غير مُعطاة؛ وبالتالي هيكون عندنا اتنين س ناقص أربعة على س زائد سبعتاشر بيساوي تسعة على خمستاشر. عشان نقدر نوجد قيمة س هنضرب تسعة في س زائد سبعتاشر، وهنضرب خمستاشر في اتنين س ناقص أربعة، فهيكون عندنا تسعة في س زائد سبعتاشر هيساوي خمستاشر في اتنين س ناقص أربعة؛ يعني تسعة س زائد مية تلاتة وخمسين هيساوي تلاتين س ناقص ستين.

هنكتب آخر خطوة وصلنا لها مرة كمان فهتكون بالشكل ده هنجمع ستين عَ الطرفين وهنطرح تسعة س من الطرفين فهيكون عندنا مية تلاتة وخمسين زائد ستين بيساوي تلاتين س ناقص تسعة س، تلاتين س ناقص تسعة س بيساوي واحد وعشرين س، يبقى واحد وعشرين س هتساوي مية تلاتة وخمسين زائد ستين هيساوي ميتين وتلتاشر، هنقسم الطرفين على واحد وعشرين؛ فهيكون عندنا س بتساوي ميتين وتلتاشر على واحد وعشرين، يعني ممكن نكتبها في صورة س بتساوي واحد وسبعين على سبعة، وبالتالي قدرنا نوجد قيمة س وكانت س بتساوي واحد وسبعين على سبعة.