فيديو: فهم الباقي عند قسمة أعداد صحيحة

استلم مصنع للصابون طلبًا لشحن ٤٧٤ قطعة صابون. وُضع الصابون في صناديق، في كل صندوق ٤٥ قطعة صابون. هل ستكون كل الصناديق ممتلئة؟

٠٣:٢٣

‏نسخة الفيديو النصية

استلم مصنع للصابون طلبًا لشحن ربعمية أربعة وسبعين قطعة صابون. وُضع الصابون في صناديق. في كل صندوق خمسة وأربعين قطعة صابون. هل ستكون كل الصناديق ممتلئة؟

السؤال بيقول لنا إن فيه مصنع للصابون عاوز يخرّج ربعمية أربعة وسبعين قطعة. وهو بيخرّجهم، بيحطّهم في صناديق. الصندوق الواحد اللي بيكون مليان على آخره، بيكون فيه خمسة وأربعين قطعة. فعاوزين نعرف لمّا نيجي نوزّع أو نقسّم الربعمية أربعة وسبعين قطعة صابون، على الصناديق اللي عندنا؛ هل الصناديق كلها هتكون مليانة، ولّا لأة؟

فعلشان نعرف نجاوب على السؤال ده، هنقسم عدد الصابون الكلي اللي هو ربعمية أربعة وسبعين صابونة، على الخمسة وأربعين عدد الصابون في الصندوق الواحد. لو ناتج القسمة طلع بدون باقي، يبقى كده الصناديق كلها مليانة على آخرها، والصناديق كلها ممتلئة. طيب ولو طلع فيه باقي؟ يبقى كده هيتبقّى شوية صابون مش هيكمّلوا آخر صندوق. فده معناه إن الصناديق كلها مش هتكون ممتلئة؛ هيفضل صندوق أخير ناقص شويّة.

فنبدأ نقسم ونشوف هنحلّ السؤال إزاي. هنستخدم القسمة المطولة، ونقسم ربعمية أربعة وسبعين على الخمسة والأربعين. أول حاجة هنعملها، نحاول نقسم الأربعة على الخمسة وأربعين. مش هينفع؛ لأن الأربعة أصغر من الخمسة وأربعين. فنعمل إيه؟ ناخذ السبعة معاها. فنقسم سبعة وأربعين على خمسة وأربعين.

سبعة وأربعين قريبة من الخمسة والأربعين. فهنقول إن سبعة وأربعين على خمسة وأربعين، بتساوي واحد. بعدين نضرب واحد في خمسة وأربعين. واحد في خمسة وأربعين، بتساوي خمسة وأربعين. ونبدأ نطرح سبعة وأربعين ناقص خمسة وأربعين. بعد الخمسة وأربعين: ستة وأربعين، سبعة وأربعين. فده معناه إن الناتج اتنين. والأربعة هننزّلها جنب الاتنين.

بعدين نقسم أربعة وعشرين على خمسة وأربعين. مش هينفع نقسم أربعة وعشرين على خمسة وأربعين؛ لأن الأربعة وعشرين أقل من الخمسة وأربعين. طيب نعمل؟ إيه نحطّ صفر فوق الأربعة، ونضرب صفر في خمسة وأربعين، هتساوي صفر. وأمّا نيجي نقول أربعة وعشرين ناقص صفر، هتساوي برضو أربعة وعشرين. فده معناه إن ده هو آخر القسمة، وإن ناتج القسمة هو عشرة، واتبقّى لنا أربعة وعشرين.

ما دام ظهر باقي في ناتج القسمة، فده معناه إن الصناديق كلها مش مليانة. فيه صندوق أخير باقي فيه أربعة وعشرين قطعة. فأمّا نيجي نردّ على السؤال: «هل ستكون كل الصناديق ممتلئة؟» نقول: لا. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.