فيديو: إيجاد أصغر عدد صحيح يُعطي ناتجًا معيَّنًا عند تقريبه لأقرب ألف

ما أصغر عدد صحيح إذا قُرِّب إلى أقرب ألف يكون الناتج ٧٤٥‎٠٠٠؟

٠١:٢٧

‏نسخة الفيديو النصية

ما أصغر عدد صحيح إذا قُرِّب إلى أقرب ألف، يكون الناتج سبعمية خمسة وأربعين ألف؟

السؤال بيسألنا عن أصغر عدد صحيح … العدد ده إحنا لسّه مش عارفينه، ومجهول بالنسبة لنا. لو قرّبناه إلى أقرب ألف، يعني لو آلاف العدد ده اتقرّب، هيدّي لنا الناتج ده: سبعمية خمسة وأربعين ألف. يعني ده معناه إن الرقم ده اتقرّب، وأصبح بعد التقريب بيساوي خمسة. دلوقتي نسأل نفسنا: إيه الرقم اللي لو قرّبناه، يدّي لنا خمسة؟ إيه اللي أصغر من الخمسة على طول؟ الأربعة. وعشان الأربعة بعد ما اتقرّبت بقت خمسة، فأكيد الرقم اللي قرّبها الموجود هنا في المئات؛ يا إمّا بخمسة، أو ستة، أو سبعة، أو تمنية، أو تسعة.

طب هنعرف إزَّاي هو أنهي رقم من الأرقام دي؟ هنلاقي إن مطلوب منّنا في السؤال إيجاد أصغر عدد صحيح. وعلشان كده هنختار أصغر حاجة ممكن تقرّب الأربعة. هنختار الخمسة. إحنا كده عرفنا إيه الرقم اللي اتقرّب، وإيه الرقم اللي كان سبب في التقريب. بقية الأرقام هتكون زيّ ما هي، وبنفس القيمة المكانية ليهم. يعني الصفرين هنا هينزلوا في الآحاد والعشرات. والأربعة هتنزل في عشرات الآلاف. والسبعة في مئات الآلاف. وبكده إجابة السؤال هتكون سبعمية أربعة وأربعين ألف وخمسمية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.