فيديو: استخدام المتغيرات لتمثيل الأعداد وكتابة معادلات عند حل مسائل رياضية أو واقعية

اكتب معادلة لوصف الآتي: تسعة مضافًا إلى خارج قسمة عدد على ٦ يساوي ٣٢.

٠١:٣١

‏نسخة الفيديو النصية

اكتب معادلة لوصف الآتي: تسعة مضافًا إلى خارج قسمة عدد على ستة، يساوي اتنين وتلاتين.

يعني عايزين نكتب معادلة توصف الجملة دي، وعندنا هنا عدد مجهول، وهنرمز للعدد ده بـ س. بعد كده هنبدأ نقرا جزء جزء، عشان نقدر نكتب المعادلة. فأول حاجة عندنا تسعة مضافًا إلى خارج قسمة عدد على ستة؛ فتسعة مضافًا إلى خارج قسمة، معنى كده إن تسعة هنجمعها على خارج القسمة، فهتبقى المعادلة تسعة زائد …

بعد كده هنقرأ، هنلاقي تسعة مضافًا إلى خارج قسمة عدد على ستة. وزي ما اتفقنا إننا هنرمز للعدد بالرمز س، فهيبقى خارج قسمة عدد على ستة معناها س على ستة؛ فكده بقت الجملة تسعة مضافًا إلى خارج قسمة عدد على ستة معناها تسعة وهنضيفها على خارج قسمة العدد اللي هو س على ستة.

وآخر جزء في الجملة عندنا بيساوي اتنين وتلاتين، فهنكتبها زي ما هي، فهنكتب بيساوي اتنين وتلاتين بالشكل ده؛ وبالتالي هتبقى المعادلة اللي بتوصف تسعة مضافًا إلى خارج قسمة عدد على ستة يساوي اتنين وتلاتين، هي المعادلة تسعة زائد س على ستة بيساوي اتنين وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.