فيديو: تحديد أقصى جهد تتحمَّله مقاومة

ما أقصى جهد كهربي يمكن توصيله بشكل آمن بمقاومة مقدارها 15kΩ وأقصى قدرة داخلة يمكنها استيعابها تساوي 10W؟

٠١:٣٣

‏نسخة الفيديو النصية

ما أقصى جهد كهربي يمكن توصيله بشكل آمن بمقاومة مقدارها خمستاشر كيلو أوم، وأقصى قدرة داخلة يمكن استيعابها تساوي عشرة وات؟

فإحنا عندنا مقاومة مقدارها خمستاشر كيلو أوم، وأقصى قدرة ممكن تستوعبها هي عشرة وات. وده معناه إن إحنا لو زوّدنا عن عشرة وات، المقاومة دي هتبوظ. فإحنا محتاجين نعرف أقصى جهد ممكن نوصّله بالمقاومة دي، والقدرة ما تتعدّاش عشرة وات.

والقدرة الكهربية بتساوي الجهد الكهربي تربيع، مقسوم على المقاومة. فلو عوّضنا هنا بأقصى قدرة ممكن تستحملها المقاومة، ممكن نجيب أقصى جهد يستحمله المقاومة. فعلشان نجيب الجهد ده؛ هنضرب طرفين المعادلة في 𝑅، وبعدين ناخد الجذر التربيعي للطرفين.

فكده ممكن نقول إن الجهد الكهربي بيساوي الجذر التربيعي لحاصل ضرب المقاومة مضروبة في القدرة الكهربية. اللي هي في حالتنا هنا أقصى قدرة كهربية تقدر تستحملها المقاومة. ولمّا نعوّض بالقيم هنلاقي إن الجهد الكهربي بيساوي الجذر التربيعي لحاصل ضرب خمستاشر كيلو أوم في عشرة وات. نقدر نحوّل الكيلو لعشرة أُس تلاتة، والوحدة أوم بتساوي فولت على أمبير؛ فنقدر نشيلها، ونحطّ فولت على أمبير.

أمّا بالنسبة للقدرة الكهربية وات فهي بتساوي فولت أمبير، فنقدر برضو نشيلها ونحطّ مكانها فولت أمبير. وكده هنلاقي إن الأمبير اختُصرت مع الأمبير، ويطلع لنا إن الجهد الكهربي بيساوي تلتمية وتسعين فولت.

وبكده نبقى عرفنا نجيب أقصى جهد كهربي ممكن تستحمله المقاومة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.