فيديو: قسمة عدد عشري على آخَر

١٫١٥ ÷ ٠٫٢٣ = _.

٠١:٤٥

‏نسخة الفيديو النصية

واحد وخمستاشر من مية، على تلاتة وعشرين من مية، هيساوي، نقط.

عشان نقسم واحد وخمستاشر من مية على تلاتة وعشرين من مية. في البداية هضرب تلاتة وعشرين من مية في مية؛ عشان أتخلص من الفصلة العشرية. وبالتالي هضرب المقسوم في مية برضو.

يعني هيساوي … لمّا نضرب عدد عشري في مية، هنحرك الفصلة العشرية في اتجاه اليمين عدد أرقام يساوي عدد الأصفار؛ يعني واحد، اتنين. وهنا كمان واحد، اتنين. إذن الشكل الجديد للسؤال هيبقى مية وخمستاشر، على تلاتة وعشرين. وبكده برضو هنكون ما غيرناش السؤال. عدّلنا بس شكله.

باستخدام القسمة المطوّلة هنحسب مية وخمستاشر على تلاتة وعشرين. واحد على تلاتة وعشرين هيساوي صفر. بعدين حداشر على تلاتة وعشرين هيساوي صفر. هناخد مية وخمستاشر على تلاتة وعشرين هيساوي خمسة. هنضرب خمسة في تلاتة وعشرين هيساوي مية وخمستاشر. هنطرح خمسة ناقص خمسة هيساوي صفر. واحد ناقص واحد هيساوي صفر. واحد ناقص واحد هيساوي صفر.

وبكده أقدر أقول إنه واحد وخمستاشر من مية، على تلاتة وعشرين من مية، هيساوي خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.