فيديو: قسمة عدد صحيح على عدد عشري

٢ ÷ ٠٫٤ = _.

٠١:٠٧

‏نسخة الفيديو النصية

اتنين على أربعة من عشرة يساوي، نقط.

علشان نعرف نقسم على أيّ عدد عشري، زيّ الأربعة من عشرة اللي عندنا دي، واللي موجود مكان المقسوم عليه، فلازم الأول نحوّله لعدد صحيح. الأربعة من عشرة، عشان نحوّلها لعدد صحيح، ونتخلّص من العلامة العشرية، فهنضربها في عشرة. فهيكون ناتج الضرب هو العدد أربعة. لأننا لما بنضرب أيّ عدد عشري في العشرة، فبنحرَّك العلامة العشرية عدد مرات بيساوي عدد الأصفار الموجود. ولأن العشرة عندها صفر واحد، فحرَّكنا العلامة العشرية مرة واحدة ناحية اليمين. فكان ناتج الضرب هو العدد أربعة.

وزيّ ما ضربنا المقسوم عليه في عشرة، فبرضو لازم نضرب المقسوم في عشرة. اتنين في عشرة بيساوي عشرين. وبكده كأننا دلوقتي بنقسم عشرين على أربعة. يا ترى إيه العدد اللي لمّا نضربه في أربعة هيكون الناتج هو عشرين. هنلاقي إن هو العدد خمسة.

وبالتالي هيكون ناتج قسمة اتنين على أربعة من عشرة هو العدد خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.