فيديو: تحليل كثيرة الحدود من الدرجة الثالثة

أوجد الباقي عند قسمة ٣س^٣ − ٢س^٢ + ٤س + ٥ على ٣س + ٤.

٠٣:٢٩

‏نسخة الفيديو النصية

أوجد الباقي عند قسمة تلاتة س أُس تلاتة ناقص اتنين س تربيع زائد أربعة س زائد خمسة، على تلاتة س زائد أربعة.

بنلاقي إن مطلوب في السؤال هو إيجاد باقي قسمة كثيري الحدود التاليتين. وده هيتم باستخدام القسمة المطوّلة كالتالي.

زي ما إحنا شايفين كده، بنكتب أول حاجة المقسوم، وبعد كده بنكتب المقسوم عليه هنا. ومطلوب مننا إيجاد باقي هذه القسمة. بنبدأ القسمة عن طريق إننا هنقسم أكبر حد في المقسوم، على أكبر حد في المقسوم عليه.

فبنلاقي إن ناتج قسمة تلاتة س أُس تلاتة، على تلاتة س، بيكون الناتج عبارة عن س تربيع. بعد كده هنضرب س تربيع في المقسوم عليه ونكتبها تحت المقسوم. يبقى س تربيع في تلاتة س. الناتج هيكون عبارة عن تلاتة س أُس تلاتة، زائد س تربيع في أربعة، يبقى زائد أربعة س تربيع.

بعد كده بنطرح. يبقى تلاتة س أُس تلاتة، ناقص تلاتة س أُس تلاتة الناتج بصفر. ناقص اتنين س تربيع، ناقص أربعة س تربيع يبقى الناتج هيكون ناقص ستة س تربيع. زائد أربعة س زائد خمسة.

بنكمل مرة تانية ونقسم أكبر حد في المقسوم، على أكبر حد في المقسوم عليه. يبقى سالب ستة تربيع على تلاتة س، بيكون الناتج عبارة عن ناقص اتنين س. بعد كده هنضرب ناقص اتنين س في المقسوم عليه، يبقى ناقص اتنين س في تلاتة س، ناقص ستة س تربيع. ناقص اتنين س في أربعة، يبقى ناقص تمنية س.

وهنطرح مرة تانية. يبقى ناقص ستة س تربيع ناقص في ناقص ستة س تربيع. طبعًا سالب في سالب بموجب. يبقى ناقص ستة س تربيع زائد ستة س تربيع الناتج بصفر.

بنكمّل بعد كده. بنلاقي إن أربعة س ناقص ناقص تمنية س، يبقى زائد اتناشر س، زائد خمسة. بعد كده هنقسم اتناشر س على تلاتة س. فبنلاقي إن الناتج هيكون عبارة عن أربعة.

بنضرب أربعة في، تلاتة س زائد أربعة. يبقى الناتج هيكون عبارة عن اتناشر س زائد ستاشر. طبعًا هنطرح بعد كده. يبقى اتناشر س ناقص اتناشر س الناتج بصفر. خمسة ناقص ستاشر هيكون الناتج بسالب حداشر. يبقى ده عندنا عبارة عن ناتج القسمة. وده عندنا عبارة عن الباقي. يبقى بنكتب كده باقي القسمة يساوي سالب حداشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.