فيديو: قسمة عدد عشري على عدد عشري آخَر

٣٣٣٫٩ ÷ ٠٫٦٣ = _.

٠٢:٢٥

‏نسخة الفيديو النصية

تلتمية تلاتة وتلاتين وتسعة من عشرة على تلاتة وستين من مية يساوي نقط.

في البداية هنغيّر موقع الفصلة العشرية بحيث إنه يصبح المقسوم عليه عدد صحيح. هنضرب المقسوم عليه في مية؛ عشان نحرك الفصلة العشرية إلى اليمين منزلتين؛ عشان نخلّي المقسوم عليه عدد صحيح، وبالتالي هنضرب المقسوم برضو في مية.

الشكل الجديد للمسألة هيكون تلاتة وتلاتين ألف تلتمية وتسعين على تلاتة وستين. خطوات القسمة؛ رقم واحد: اقسم. رقم اتنين: اضرب. رقم تلاتة: اطرح. رقم أربعة: أَنزل رقم. رقم خمسة: أعد الخطوات.

هنطبّق الخطوات دي على المسألة؛ تلاتة على تلاتة وستين هيساوي صفر، هاخد تلاتة وتلاتين على تلاتة وستين هيساوي صفر، وبالتالي هاخد تلتمية تلاتة وتلاتين على تلاتة وستين هيساوي خمسة. وبكده هنكون عملنا أول خطوة وهي القسمة. تاني خطوة: اضرب؛ هنضرب خمسة في تلاتة وستين هيساوي تلتمية وخمستاشر. خطوة رقم تلاتة: اطرح؛ تلاتة ناقص خمسة مش هينفع، نستلف واحد، تلاتة هتبقى اتنين، وتلاتة هتبقى تلتاشر؛ تلتاشر ناقص خمسة هيساوي تمنية، واتنين ناقص واحد هيساوي واحد، وتلاتة ناقص تلاتة هيساوي صفر. خطوة رقم أربعة: أنزل رقم؛ فهننزّل التسعة.

هنعيد الخطوات تاني؛ وهنقسم مية تسعة وتمانين على تلاتة وستين هيساوي تلاتة. هنضرب تلاتة في تلاتة وستين هيساوي مية تسعة وتمانين. خطوة رقم تلاتة: هنطرح؛ تسعة ناقص تسعة هيساوي صفر، وتمنية ناقص تمنية هيساوي صفر، وواحد ناقص واحد هيساوي صفر. خطوة رقم أربعة: أنزل رقم؛ هننزّل الصفر.

وبعدين هنعيد الخطوات؛ صفر على تلاتة وستين هيساوي صفر. وبكده هتكون انتهت المسألة، وناتج القسمة هيكون خمسمية وتلاتين.

يعني أقدر أقول إنه تلتمية تلاتة وتلاتين وتسعة من عشرة على تلاتة وستين من مية هيساوي خمسمية وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.