فيديو: تطبيق ترتيب العمليات في مسألة رياضية

أوجد قيمة: ٢ × ١ − ١.

٠٢:٢١

‏نسخة الفيديو النصية

أوجد قيمة: اتنين في واحد ناقص واحد.

عاوزين نعرف اتنين في واحد ناقص واحد، هتساوي إيه. لو جينا نبص لها هنلاقي فيه عمليتين قدامنا. أول العمليتين هي عملية الضرب واللي رمزها علامة في. وتاني عملية هي عملية الطرح واللي رمزها ناقص.

طيب إحنا هنعمل إيه الأول؟ هنضرب الأول، ولّا هنطرح الأول؟ علشان نعرف أي عملية هي اللي هنعملها الأول، هنشوف ترتيب العمليات الحسابية. أول عملية عندنا بنعملها الأقواس؛ يعني لو عندنا أي حاجة بين قوسين، بنخلصها ونحلّها هي الأول. تاني عملية هي الأُس، بعد ما نفك الأقواس، لو لقينا عندنا أي حاجة فيها أُس؛ يعني مثلًا خمسة أُس اتنين، بنخلّصها ونفكّها هي الأول. تالت حاجة هي الضرب والقسمة والاتنين بييجوا في نفس الترتيب. ورابع حاجة والأخيرة هي الجمع والطرح، بنخلصهم في نفس الوقت.

طبعًا ترتيب العمليات دي لازم يكون من اليمين للشمال؛ يعني في الاتجاه ده. يعني لو عندنا في نفس السطر ضرب وقسمة، بنبدأ باللي موجود على اليمين الأول، بعديها اللي موجود على الشمال.

فنشوف مسألتنا. عندنا إيه؟ اتنين في واحد ناقص واحد. إحنا قلنا بنبدأ من اليمين للشمال. عندنا أول حاجة من اليمين فيه ضرب، وبعده فيه طرح. وإحنا قلنا إن مين اللي بييجي الأول؟ الضرب هو اللي بييجي الأول قبل الطرح. فنبدأ نضرب. اتنين في واحد. اتنين في واحد بتساوي اتنين. وننزّل الناقص واحد. بعدين نبدأ نطرح. اتنين ناقص واحد. اتنين ناقص واحد تساوي واحد.

يبقى معنى كده إن قيمة اتنين في واحد ناقص واحد، تساوي واحد. وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.