فيديو: الزوايا المتتامة والزوايا المتكاملة

يوضح الفيديو تعريف الزوايا المتتامة، والزوايا المتكاملة، وأمثلة على الزوايا المتتامة، والمتكاملة، والحادة، والمنفرجة، والمتقابلة بالرأس.

٠٤:٥٤

‏نسخة الفيديو النصية

في الفيديو ده هنتكلم عن تشابه الأشكال. يعني إيه تشابه الأشكال؟ يعني لو عندي مثلثين مثلًا أ ب ج، وَ س ص ع عايزين نشوفهم متشابهين ولّا لأ. بنطبق شرطين، أول واحد فيهم بيقول الأضلاع المتناظرة متناسبة. يعني إيه الأضلاع المتناظرة؟ يعني عندي في المثلث الأول أ ب متناظر مع س ص. عندي الضلع ب ج متناظر مع ص ع. عندي الضلع أ ج متناظر مع س ع.

وبنتأكد من التناسب. يعني أ ب في المثلث الأول، على س ص في المثلث التاني. تساوي ب ج في المثلث الأول، على ص ع في المثلث التاني. تساوي أ ج في المثلث الأول، على س ع في المثلث التاني.

اتحقق عندنا الشرط الأولاني. نشوف الشرط التاني اللي بيقول الزوايا المتناظرة متساوية. يعني إيه الزوايا المتناظرة متساوية؟ يعني الزاوية أ متناظرة مع الزاوية س. والزاوية ب متناظرة مع الزاوية ص. والزاوية ج متناظرة مع الزاوية ع. واضح من الدرجات دي، قياس الدرجات إن قياس الزاوية أ يساوي قياس الزاوية س. قياس الزاوية ب يساوي قياس الزاوية ص. قياس الزاوية ج يساوي قياس الزاوية ع.

بعد ما اتحقق الشرطين، بنقول إن المثلث أ ب ج يتشابه مع المثلث س ص ع. وبنرمز له بالرمز ده. يبقى كده هي دي معانا شروط تشابُه الأشكال.

نقلب الصفحة ونشوف مثال. عندي شبه منحرف بالشكل ده: أ ب ج د. أطواله كانت اتناشر سنتيمتر وأربعة سنتيمتر. عايزة أشوفه بيتشابه مع الشكلين دول. شبه منحرف ك ل م ن. أطواله تسعة سنتيمتر وتلاتة سنتيمتر. وشبه منحرف س ص ع ل. أطواله أربعتاشر سنتي وستة سنتي. عايزين نشوف متشابهين مع أ ب ج د ولّا لأ.

في شبه المنحرف الأولاني، هنلاقي بالتناظر أ ب على ك ل هيساوي اتناشر على تسعة. بالاختصار هتبقى أربعة على تلاتة. نشوف الضلع التاني المتناظر ب ج مع ل م، هيساوي أربعة على تلاتة. واضح من النِّسب متساوية؛ يبقى الأضلاع المتناظرة متناسبة. يبقى أ ب ج د يتشابه مع ك ل م ن.

نشوف شبه المنحرف التاني. الأضلاع المتناظرة س ص على أ ب هتساوي أربعتاشر على اتناشر، بالاختصار هتبقى سبعة على ستة. الضلع التاني المتناظر ص ع على ب ج هيساوي ستة على أربعة، بالاختصار هتبقى تلاتة عَ الاتنين. واضح إن أ ب ج د لا يتشابه مع س ص ع ل.

نقلب الصفحة وناخد مثال كمان. عندي شخص طوله واحد ونص متر، عنده ضل تلاتة متر. واخد شكل متشابه مع علم طوله مش معلوم س، والضل بتاعه عشرة متر. عايزين نشوف قيمة س تساوي كام.

عشان نجيب قيمة س، إحنا مش شايفين من التشابه اللي هو قال لنا عليه، إن ده واخد شكل مثلث وده واخد شكل مثلث. لو أخدنا الأضلاع المتناظرة، يبقى معنى كده إن الـ س هتبقى مناظرة مع الواحد ونص. يعني النسبة ما بينهم س على واحد ونص، لازم تساوي النسبة ما بين الضلع المتناظر التاني عشرة على تلاتة. يبقى معنى كده إن الـ س على واحد ونص هتساوي العشرة على تلاتة. بضرب طرفين في وسطين، هتساوي … س هتساوي عشرة في واحد ونص على تلاتة. معناها إنها هتساوي خمسة متر. كده عرفنا نجيب القيمة المجهولة بمعلومية التشابه ما بين الشكلين.

يبقى لو عرِفنا التشابه ما بين شكلين، نقدر نجيب قيم مجهولة. لو شكل كبير أوي ومش عارفين نحدِّد أبعاده بس عارفين ضلع واحد فيه، وهو بيتشابه مع شكل تاني. فنقدر نعرف القيمة المجهولة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.