فيديو: المقارنة بين البيانات في تمثيل بياني بالأعمدة

يوضِّح التمثيل بالأعمدة نتائج دراسة مَسْحيَّة حول الرياضة المفضَّلة لدى بعض الأشخاص. أيُّ الرياضات أكثر تفضيلًا بين رياضات كرة القدم وهوكي الجليد والسباحة؟

٠١:٥٦

‏نسخة الفيديو النصية

يوضِّح التمثيل بالأعمدة نتائج دراسة مسحيَّة حول الرياضة المفضَّلة لدى بعض الأشخاص. أيُّ الرياضات أكثر تفضيلًا بين رياضات كرة القدم وهوكي الجليد والسباحة؟

في الشكل اللي قدامنا، اللي هو عبارة عن تمثيل بالأعمدة للرياضات المفضَّلة لمجموعة من الطلاب. مطلوب مننا إن إحنا نشوف أيّ الرياضات دي أكثر تفضيلًا من ما بين رياضةكرة القدم وهوكي الجليد والسباحة. هنحطّ خطّ تحت الرياضات التلاتة اللي المفروض نحدّد منهم أيهم أكثر تفضيلًا لدى الطلاب. وهنشوف طول العمود اللي بيمثّل عدد الطلاب اللي بيفضّلوا الهواية أو الرياضة دي.

محتاجين نحدِّد أيّ عمود في التلاتة دول هو اللي أطول. هنبدأ ناخد خطّ أُفُقي من قمة كل عمود من الأعمدة اللي عندنا. ونبتدي نشوف القيمة المناظرة ليه على محور الصادات، اللي بتمثّل عدد الأشخاص اللي بيفضّلوا الرياضة دي.

فهنلاقي مثلًا إن كرة القدم كده بيفضّلها تمن أشخاص. هنشوف بالنسبة لرياضة هوكي الجليد. هناخد خطّ أُفُقي نقطع بيه المحور اللي بيمثّل عدد الأشخاص. هنلاقي إن بيناظر سبع أشخاص. يعني هوكي الجليد فيه سبع أشخاص بيفضّلوه. أمَّا السباحة، فهنلاقي إن عدد الأشخاص اللي بيفضَّلوها همّ تلات أشخاص. من ما بين التلات قيم اللي عندنا أعلى قيمة فيهم، اللي هي تمنية، بيقابلها رياضة كرة القدم. يبقى أعلى عدد من الأشخاص بيفضّل رياضة كرة القدم.

ويبقى وصلنا لإن الرياضة اللي أكثر تفضيلًا بين الرياضات التلاتة اللي مذكورين في السؤال هي رياضة كرة القدم. واللي بيمثِّلها أطول عمود في الأعمدة التلاتة، اللي بيمثّلوا عدد الأشخاص اللي بيفضّلوا هذه الرياضات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.