تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: معرفة تأثير الانتقال الرأسي على التمثيل البياني للدوال المثلثية

سوزان فائق

يوضّح الشكل رسم ص = جا(س) البياني. أيّ من التالي يمثل رسم جا(س) + ٢ البياني؟ [أ] شكل ١ [ب] شكل ٢ [ج] شكل ٣ [د] شكل ٤ [ﻫ] شكل ٥

٠٢:٠٦

‏نسخة الفيديو النصية

يوضّح الشكل رسم ص يساوي جا س البياني. أيّ من التالي يمثل رسم جا س زائد اتنين البياني؟ ده الاختيار الأول. الاختيار التاني. الاختيار التالت. الاختيار الرابع. الاختيار الخامس.

علشان نعرف نمثّل رسم للـ جا س زائد اتنين، هنشوف شكل الصيغة العامة لدالة الجيب بتبقى على الشكل ص يساوي أ جا ب س ناقص ز، زائد الـ ك؛ حيث الـ أ بتحدد سعة الدالة، والـ ب بتحدد دورة الدالة، والـ ز بتحدد إزاحة الطور إذا كانت إلى اليمين أو إلى اليسار، والـ ك بتحدد الإزاحة الرأسية إذا كانت أعلى أو إلى أسفل.

في الدالة المطلوبة جا س زائد اتنين، الـ أ قيمتها واحد، والـ ب قيمتها واحد، والـ ز قيمتها صفر، والـ ك قيمتها اتنين. فلمّا بيكون الـ ص يساوي الـ جا س بالشكل اللي قدامنا ده؛ يعني تكون الـ أ بواحد، والـ ب بواحد، والـ ز بصفر؛ معنى كده إن هيبقى رسمها البياني بالشكل ده.

لكن لمّا زودنا الاتنين ده معناه إن إحنا عملنا إزاحة رأسية بقيمة وحدتين إلى أعلى. حيث أن الـ ك لمّا بتكون موجبة بتبقى الإزاحة إلى أعلى، ولمّا بتكون سالبة بتبقى الإزاحة إلى أسفل. فيبقى نفس الرسم البياني اللي قدامنا ده للـ ص يساوي جا س، هنعمل له إزاحة رأسية إلى أعلى بمقدار وحدتين. يعني النقطة اللي هي صفر وصفر دي، هتبقى هنا بعد وحدتين إلى أعلى؛ يعني هتبقى عند الاتنين كده. يبقى هو ده الرسم اللي بيمثّل جا س زائد الاتنين. وهو ده الاختيار الصحيح.