فيديو: إيجاد قياس زاوية عن طريق حل معادلات خطية

ﺃﺏﺟد معين. إذا كان ق∠دوﺟ = (٢ﺱ + ٢٢)°، فأوجد قيمة ﺱ.

٠٢:٢٢

‏نسخة الفيديو النصية

أ ب ج د معيّن. إذا كان قياس زاوية د و ج يساوي اتنين س زائد اتنين وعشرين، درجة، فاوجد قيمة س.

بنلاقي إن الزاوية المذكورة عندنا هي عبارة عن الزاوية د و ج. هي الزاوية اللي إحنا شايفينها دي كده. يعني هي الزاوية الناتجة من تقاطع قطرَي هذا المعيّن. ومن خصائص المعيّن إن القطرين متعامدين. يبقى القطر ب د عمودي على القطر أ ج، يعني يصنع معه زاوية تسعين. وبالتالي يبقى قياس الزاوية دي، اللي هي د و ج، يساوي تسعين درجة؛ لأنها قائمة نتيجة تعامد القطرين. يبقى بنكتب كده قياس الزاوية د و ج يساوي تسعين درجة، وده لأن القطران متعامدان.

لو رجعنا تاني للسؤال، بنلاقي إن قياس الزاوية د و ج بيساوي اتنين س زائد اتنين وعشرين، درجة. وبالتالي يبقى اتنين س زائد اتنين وعشرين بتساوي تسعين. من هنا نقدر دلوقتي نوجد قيمة س، وده هيتمّ من خلال عزل س كالتالي. هنطرح اتنين وعشرين من الطرفين. يبقى اتنين س زائد اتنين وعشرين ناقص اتنين وعشرين هتساوي تسعين ناقص اتنين وعشرين.

يبقى اتنين وعشرين ناقص اتنين وعشرين الناتج بصفر. يبقى الطرف اليمين هيبقى عبارة عن اتنين س، هتساوي تسعين ناقص اتنين وعشرين. بنلاقي إن الناتج عبارة عن تمنية وستين. بعد كده هيتمّ قسمة الطرفين على اتنين. وبالتالي يبقى س هتساوي تمنية وستين على الاتنين، هتساوي أربعة وتلاتين. يبقى قيمة س، المطلوب إيجادها في السؤال، تساوي أربعة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.