فيديو: تحديد العدد الذي يكون لرقم مُعطًى فيه قيمة معينة

في أيٍّ من الأعداد التالية يمثِّل الرقم ٢ القيمة ٢٠٠٠٠٠٠؟ [أ] ٢٩٣١٦٨٨٩ [ب] ٢٧٤١٥٠٠ [ج] ٢٠٧٤٥٥٣٠٩ [د] ٣٥٧٢٤٧٥٨٦ [ه] ٢٣٠٩

٠٣:١١

‏نسخة الفيديو النصية

في أي من الأعداد التالية يمثل الرقم اتنين القيمة اتنين مليون؟

هنبدأ نستخدم جدول القيم المكانية، ونحط كل رقم من الأرقام اللي بتتكون منها الأعداد اللي عندنا دي في الخانة المكانية المناسبة، هنبتدي من أول عدد عندنا، عندنا بنبتدي من الرقم اللي عَ اليمين اللي هو بيبقى موجود في خانة الآحاد، يبقى عندنا تسعة في خانة الآحاد، الرقم اللي بعده بيبقى في خانة العشرات، هيبقى عندنا تمنية في العشرات، عندنا بعد كده تمنية في خانة المئات، الرقم اللي بعد كده ده في خانة الألوف، يبقى عندنا ستة في خانة الألوف، الرقم اللي بعده بيبقى في خانة عشرات الألوف، يبقى فيه واحد في خانة عشرات الألوف، الخانة اللي بعد كده بتبقى خانة مئات الألوف، هيبقى هنا عندنا تلاتة في خانة مئات الألوف، بعد كده بندخل في الملايين، عندنا تسعة في خانة الملايين، الخانة المكانية اللي بعد كده هي خانة عشرات الملايين، عندنا فيها اتنين.

دلوقتي هنستخدم نفس الطريقة ونحط الأرقام اللي بيتكون منها العدد التاني في جدول القيم المكانية في الصف الخاص بيها، عندنا هنبتدي من اليمين أول رقم من اليمين اللي هو صفر ده بيبقى في خانة الآحاد، الرقم اللي بعد كده بيبقى في الخانة المكانية التالية اللي هي العشرات، فهيبقى عندنا صفر في العشرات، وبعدين عندنا خمسة هتبقى في خانة المئات، وبعدين فيه واحد هيبقى موجود في خانة الألوف، الرقم اللي بعد كده هيبقى في خانة عشرات الألوف، يبقى عندنا أربعة في خانة عشرات الألوف، الرقم اللي بعده هيبقى في خانة مئات الألوف، يبقى عندنا سبعة في خانة مئات الألوف، آخر رقم عندنا هيبقى في الخانة المكانية بتاعة الملايين، يبقى عندنا اتنين في خانة الملايين.

بنفس الطريقة هنحط الأرقام اللي بيتكون منها العدد التالت اللي عندنا، كل رقم منهم في خانة المكانية المناسبة، بالشكل ده.

وبرضو هنحط الأرقام اللي بيتكون منها العدد التالي في نفس جدول القيم المكانية في الصف الخاص بيها، بالشكل ده. وبرضو بالمثل هنحط الأرقام اللي بيتكون منها آخر عدد عندنا في جدول القيم المكانية.

دلوقتي بقى عايزين نشوف هو الرقم اتنين في أي عدد من الأعداد دي قيمته اتنين مليون؟ عشان اتنين يبقى قيمته اتنين مليون يبقى معناها إنه هيبقى موجود في خانة الملايين، يبقى هنبص في جدول القيم المكانية اللي عندنا على خانة الملايين اللي هي الخانة دي، ونشوف أي عدد من الأعداد دي فيه الرقم اتنين في الخانة دي، هنلاقي إن أهو الرقم اتنين موجود في العدد التاني.

يبقى العدد اللي هو اتنين مليون سبعمية واحد وأربعين وخمسمية، العدد ده هو اللي فيه الرقم اتنين قيمته اتنين مليون.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.