فيديو: العامل المشترك الأكبر

أوجد العامل المشترك الأكبر للعددين ١٤، ٥٥.

٠٢:٠٤

‏نسخة الفيديو النصية

أوجد العامل المشترك الأكبر للعددين أربعتاشر، وخمسة وخمسين.

عوامل أي عدد هي العوامل اللي بيكون حاصل ضربها هو العدد ده. وكمان هي الأعداد اللي بتقبل القسمة على العدد ده. فمثلًا لأن العدد خمستاشر بيساوي حاصل ضرب تلاتة في خمسة، وبيساوى كمان حاصل ضرب واحد في خمستاشر. فعوامل العدد خمستاشر هي الأعداد تلاتة وخمسة وواحد وخمستاشر. وكلهم بيقبلوا القسمة كمان على خمستاشر.

وفي المثال بتاعنا عندنا العدد أربعتاشر والعدد خمسة وخمسين. وهنشوف كل عدد منهم العوامل بتاعته هي إيه.

أربعتاشر عدد زوجي، فهيقبل القسمة على اتنين. أربعتاشر عَ الاتنين بتساوي سبعة. وسبعة على سبعة يساوي واحد. وبالتالي عوامل العدد أربعتاشر هو واحد وأربعتاشر واتنين وسبعة. لأن أربعتاشر بيساوي أربعتاشر في واحد، وبيساوي كمان اتنين في سبعة.

والعدد خمسة وخمسين نقدر نقسمه على العدد خمسة فهيساوي حداشر. وحداشر هنقسمه على حداشر، هيساوي واحد. وبالتالي خمسة وخمسين بيساوي خمسة في حداشر، وبيساوي خمسة وخمسين في واحد. علشان كده عوامل العدد خمسة وخمسين هي خمسة، وحداشر، وخمسة وخمسين، وواحد.

وفي السؤال بتاعنا مطلوب نوجد العامل المشترك الأكبر. العامل المشترك الأكبر هو أكبر عامل مشترك بين عددين أو أكتر. ولو بصّينا لعوامل العددين، هنلاقي إنه أكبر عامل مشترك بينهم هو العدد واحد. فهنقول إنه العامل المشترك الأكبر للعددين خمسة وخمسين وأربعتاشر، هو العدد واحد.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.