تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تبسيط كثيرات الحدود بالقسمة للتعبير عن عرض المستطيل

سوزان فائق

إذا كان طول مستطيل ﺱ + ٥ ومساحته ٢ﺱ^٢ + ٩ﺱ − ٥، فعبِّر عن عرضه جبريًّا.

٠٢:١٠

‏نسخة الفيديو النصية

إذا كان طول مستطيل س زائد خمسة، ومساحته اتنين س تربيع زائد تسعة س ناقص خمسة، فعبر عن عرضه جبريًّا.

مساحة المستطيل بتساوي الطول في العرض، المساحة معطاة اتنين س تربيع زائد تسعة س ناقص الخمسة، والطول معطى بـ س زائد خمسة، عايزين نوجد العرض. يبقى معنى كده إن إحنا عايزين نضرب قوسين في بعض، وناتج ضرب القوسين هيطلع اتنين س تربيع زائد تسعة س ناقص خمسة، يبقى مطلوب مننا نحلل ده علشان نوجد القوسين المضروبين في بعض، لما هنحلل الاتنين س تربيع زائد تسعة س ناقص خمسة، هنشوف عددين مضروبين في بعض قيمتهم خمسة، يعني الواحد والخمسة؛ بحيث إن تبقى إشاراتهم مخالفة علشان الإشارة هنا سالبة، يبقى يا إما السالب واحد والموجب خمسة، أو الموجب واحد والسالب خمسة. وبما أن أحد القوسين اللي إحنا محللينهم هما فيهم س زائد خمسة، يبقى معنى كده إن دي مرفوضة ويبقى الحل السالب واحد مضروبين في الخمسة، والاتنين س تربيع هنحللها لاتنين س وس، وهناخد الـ س مع الخمسة، والاتنين س مع السالب واحد، ونتأكد إن فعلًا التحليل صح بان إحنا هنضرب الاتنين س في الخمسة يبقى عشرة س، والـ س في السالب واحد يبقى سالب س، لما هنجمع دول على بعض المفروض يدولنا الحد التاني اللي هو تسعة س، فعلًا العشرة س ناقص الـ س هتديلنا تسعة س، يبقى تحليل المقدار اللي عندنا هيبقى س زائد خمسة مضروبة في الاتنين س ناقص الواحد، والاتنين س ناقص الواحد هتمثّل العرض، يبقى العرض هيساوي اتنين س ناقص الواحد، وهو ده المطلوب في السؤال.