فيديو: قراءة البيانات من الجداول التكرارية التي تتضمن العلامات

يوضِّح جدول العلامات المُعطى عناصر بِيعَتْ في متجر مدرسة. ما عدد العناصر التي بِيعَتْ جميعًا معًا؟

٠٢:٢٧

‏نسخة الفيديو النصية

يوضّح جدول العلامات المُعطى عناصر بِيعَتْ في متجر مدرسة. ما عدد العناصر التي بِيعَتْ جميعًا معًا؟

ومعطى عندنا الجدول اللي قدامنا. وعندنا هنا العنصر. والعناصر اللي عندنا هي: مِمْحاة، وقلم تمييز، وقلم، ومقصّ. ومعطى عندنا في الجدول العلامة، واللي هي … وعندنا العلامات اللي في الجدول هنا، واللي هي بتعبّر عن عدد العناصر اللي بِيعَتْ في متجر مدرسة. والمطلوب مننا في السؤال إننا نحدّد عدد العناصر التي بِيعَتْ جميعًا معًا. يعني عدد جميع العناصر اللي عندنا.

وفي الأول، خلّينا نعرف إزاي نعرف عدد العناصر من العلامات اللي عندنا. وخلّينا في الأول نفتكر إن كل علامة من العلامات دي بتمثّل عنصر واحد. يعني لو جينا مثلًا عند المقصّ، فهنلاحظ إن عندنا علامتين. فكل علامة بتمثّل عنصر. يعني عندنا هنا واحد، اتنين. فبالتالي هيبقى عدد المقصات اللي اتباعت هي اتنين.

طيب لو جينا نشوف مثلًا المِمْحاة. عايزين نشوف عدد العناصر اللي بِيعَتْ. فهنلاحظ عندنا هنا العلامة دي. والعلامة دي بترمز لعدد خمس عناصر؛ لأن عندنا بيبقى علامة واحدة معناها واحد. بعد كده اتنين، تلاتة، أربعة، خمسة. فبالتالي هيبقى عندنا هنا العدد خمسة. وفيه جنبهم هنا واحد، اتنين، تلاتة، أربعة. فعندنا خمسة وأربعة. يبقوا تسعة. يعني معنى كده إن عدد العناصر اللي بِيعَتْ من المِمْحاة هو تسعة.

بعد كده لمّا نييجي نشوف قلم التمييز، هنلاحظ إن عندنا تلات علامات. يعني واحد، اتنين، تلاتة. وبالتالي هيبقى عدد العناصر هو تلاتة. وآخر حاجة متبقّية عندنا هي القلم. فهنلاحظ إن عندنا العلامات بالشكل ده. وزيّ ما عرفنا إن الشكل ده معناه خمس عناصر.

فبالتالي يبقى إحنا كده قدرنا نعرف عدد كل عنصر اتباع. فعلشان نوجد عدد العناصر التي بِيعَتْ جميعًا معًا، يبقى كل اللي إحنا هنعمله إننا هنجمعهم. فلمّا نجمع تسعة، زائد تلاتة، زائد خمسة، زائد اتنين، هيبقى المجموع هو تسعتاشر.

وبالتالي هيبقى عدد العناصر التي بِيعَتْ جميعًا معًا هو تسعتاشر. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.