نسخة الفيديو النصية
حدّد القيم المتطرّفة في التمثيل بالنقاط التالي.
التمثيل بالنقاط اللي قدامنا ده عبارة عن محور بيُمثّل عدد أقراص الموسيقى الممتلَكة، وعندنا نقاط فوق الأعداد دي بتُمثّل عدد الأشخاص اللي بيمتلكوا العدد ده من الأقراص المدمَجة. مطلوب مننا نحدّد أيّ عدد من الأعداد اللي عندنا ده، اللي هو يعني عدد أقراص الموسيقى الممتلَكة، اللي بيُمثّل قيمة متطرّفة.
طيب يعني إيه قيمة متطرّفة؟ القيمة المتطرّفة هي واحدة من البيانات أكبر أو أصغر بكتير من باقي البيانات، أو بمعنى تاني بتبقى بعيدة عن المنطقة اللي بيتركّز فيها أغلب البيانات اللي عندنا.
يعني لو بصينا على الشكل، هنلاقي إن اتنين وأربعة وستة وتمنية وعشرة واتناشر، هي دي المنطقة اللي متركّز فيها أغلب العلامات أو النقاط اللي عندنا. أما القيمة تمنتاشر، فهي بعيدة عنهم. يبقى عندنا القيمة المتطرّفة في الشكل ده هي تمنتاشر.